Nuoraide fitnodatskuvla
Golggotmánu 11-13 beivviid 2019 lágida Sámediggi báikegoddeprográmma vehkiin fitnodatskuvlla nuoraide. Dát lea ovttasbargu Sáminuorain ja Ávki- ovdánahttin- ja gávpeservviin.
Áigumuš nuoraid fitnodatskuvllain lea addit sámi nuoraide vejolašvuođa bargagoahtit entreprenevran, ja ahte sii besset oahppat dan praktihkalaš vugiin. Sii barget fitnodatjurdagiin, ohppet got hukset fitnodatorganisašuvnna, ja ožžot rávvagiid vuovdima birra ja iežá veahki. Fitnodatskuvllas ohppet nuorat maiddái kognitiiva áššiin dego ovttasbarggu, čuolbmačoavdima, riidočoavdima, ovdanbuktima ja ahte iežas hástalit. Gursses lea sihke teoriija ja praksis.
Gursebáiki
Luspie/Storuman, Hotell Toppen
Áigi
Golggotmánu 11-13 beivviid 2019. Álgit golggotmánu 11 beaivvi dii. 12.00 beaiveborramušain ja loahpahit beaiveborramušain golggotmánu 13 beaivvi dii. 12.00.
Máksu
200 kr mii máksojuvvo BG 5178-6697. Merke máksima ”kurs ung företagsskola”. Dán hattis lea ollespenšuvdna.
Sajit: Eai eanet go 20 nuora.
Iežá dieđut
Sáminuorra máksá gursedivada jus leat miellahttun das.
Ilmmut iežat ovdal golggotmánu 4 beaivvi!
Ilmmuheapmi ja jearaldagat
Váldde oktavuođa Kjerstiniin e-boastta bokte kjerstin.valkeapaa@sametinget.se dahje riŋge 0980-780 53.