Åtså hárjjidallen Walt Disney Animation Studion
Walt Disney Animation Studios åhsi hárjjidallijt sijá Summer Internship Program 2021.
Le gus låhkåmin jali ájgo låhkåt dájddagav, animasjåvnåv, dáhtá grafijkav, ja filmav? Walt Disney Animation Studios åhtsi hárjjidallijt sijá Summer Internship Program 2021. Oassálassten Oajvvás åvddånimprográmman, de dujna l sierralágásj svijmme barggat Disney mentåvråjn gå åtsåda gájkka dájddaga, subtsastallama, ja filmmabuvtadime gehtjadimvuogijt.
Walt Disney Animation Studios Summer Internship Program la lågenanguokta vahko mávsedum prográmma hiebadahtedum dajda gudi låhki dájdav, animasjåvnåv, dáhtá, grafijkav ja filmav. Mierkki sihkarvuohta ja varresvuohta la riek ájnas midjij. Mærrádusá båhti jus prográmma tjadáduvvá mijá lunna Burbank, CA studio jali gájdosåhpadussan oajválattjaj rádij milta.
Lågå ienebuv sijá hárjjidallam prográmma ja rávkalvisáj birra dánna:
Åtsålvisá ja mannodårja ájggemierre l Ådåjakmáno 24.b., 2021 kl 23:59 Pacific Standard Time.
Mannodoarjja
Hárjjidalle åhtså 10.000 $ mannodoarjjan, majt Sámedigge ja Sáme Parlamænnta la almodam. Hárjjidallen galggá liehket sámeduogásj, dievddet Disney rávkalvisájt hárjjidallamijda ja plána gåktu ruoptusbuktet máhttudagáv sáme sebrudahkaj, buojkulvissan sosiála mediaj, lågådallamij jnv. Tjále åtsålvisáv, ienemus avtav bielev, tjielggi åhttsediedojt ja gåktu dævdá mijá mannodårja rávkalvisájt.
Rája åtsålvisáv mannodoarjjaj mierkkidum ”WDAS hárjjidalle”: kmr@saamicouncil.net.
Åtsålvisá ja mannodårja ájggemierre l Ådåjakmáno 24.b., 2021 kl 11:59 PM PST, svieriga/vuona ájgge 08:59 ja suoma ájgge 09:59.
- Mij lip ávon gå dákkir sierralágásj máhttelisvuodas boahtá 2021, ienni digitálalattjat jali Walt Disney Animation Stuidion Los Angelesan. Båhtin moadda buorre åhtsåmusá Sámes dijmmá, valla Covid-19 diehti sjáhtjaluváj 2020 hárjjidalleårdnik. Dan diehti doajvvop da gudi dijmmá åhtsin, li ájádusájn åhtsåt ådåsit. Mij lip ávon gå máhttep oassálasstet geldulasj åvddånimmáhttelisvuodajda, javlli Aili Keskitalo (Vuona sámedikkepresidænnta), Tuomas Aslak Juuso (Suoma sámedikkepresidænnta, Per-Olof Nutti (Svieriga sámedikkepresidænnta) ja Åsa Larsson-Blind (sadjásasjpresidænnta Sámeráden) aktisasj moalgedimen.
Aktavuohta diededibme
Christina Hætta, Sámiráđđi
+47 48021734
