Ohtsh lïerehtæjjine sjïdtedh Walt Disney Animation Studiosne
Walt Disney Animation Studios lïerehtæjjam ohtsede sov giesielïerehtæjjaprogrammese 2022.
Datne tjeahpoem, animasjovnem, daatagrafihkem jïh filmem daelie lohkeminie jallh lohkeme? Walt Disney Animation Studios lïerehtæjjam ohtsede sov giesielïerehtæjjaprogrammese 2022. Juktie dov taleentem evtiedidh dov lea sjïere nuepie ryöktesth aktine Disney-mentovrine barkedh jïh gaajhkh bielieh tjeahposte, histovrijesoptestimmeste jïh filmesjugniedimmeste goerehtidh.
Walt Disney Animation Studios Summer Internship Program lea programme mij vaasa 10 våhkoeh jïh lea joe maaksasovveme. Daate lea tjeahpoe-, animasjovne-, daatovregrafihke- jïh filmelearoehkidie. Mijjen dåehkiej vihtiesvoete jïh healsoe lea hævvi joekoen vihkeles mijjese. Mijjieh edtjebe båetije aski mietie mieriedidh mejtie daate programme sjædta juktie råakebe Burbankesne, CA-studiosne jallh virtuelle vuekien mietie.
Lohkh vielie lïerehtimmieprogrammen jïh krïevenassi bïjre daesnie:
Animation Research Library Intern
Ohtsememierie WDAS:n lïerehtæjja- jïh vuelkemestipendese: 16.01.2022 ts. 23:59 Pacific Standard Time.
Vuelkemestipende
Lïerehtæjja saemien dajvijste maahta vuelkemedåarjoen bïjre syökedh mij lea 10 000 $ stoerre, jïh mïsse Saemieraerie jïh Saemiedigkieh leah beetnehvierhtieh dåårjeme. Ohtsije tjuara saemien maadtoste årrodh, Disneyen krïevenassh haarjanimmiesijjiej bïjre illedh jïh soejkesjem utnedh guktie maahta daajroem bååstede buektedh saemien siebriedahkese, vuesiehtimmien gaavhtan viehkine sosijaale meedijistie, håalemijstie jnv.
Tjaelieh ohtsemem, jeenjemes 1 sæjroe, jïh tjïelkesth man åvteste datne leah ohtsijinie jïh guktie datne mijjen krïevenassh vuelkemedåarjoen bïjre illh. Seedth dov ohtsemem vuelkemestipenden bïjre jïh mïerhkh dam ”WDAS lïerehtæjjah» diekie: kmr@saamicouncil.net.
Aejkiemierie vuelkemestipendem ohtsedidh lea 16.01.2022 23:59 Pacific Standard Time.
Gaskesadtemebïevnesh
Christina Hætta, Sámiráđđi
+47 48021734
