Váttisvuođat bohccuid biebmamiin?
Dán dálvvi sáhttá leat vejolaš oažžut nuvttá šibitdoavttirveahki ja/dehe obdukšuvnna jus bohccuide njommot dávddat dehe jus dat jápmet gárdái biebmama oktavuođas.
Mannan dálvvi váttis guohtundili geažil šadde oallugat biebmat bohccuid mii fas dagahii ahte bohccot iešguđet ládje skihppájedje. Dán dálvvi háleda Ruoŧa Elliiddikšodoaimmahat ja Ruoŧa Eanandoallouniversitehta oažžut oktavuođa daiguin boazoeaiggádiiguin geat bárttáskit bohccodávddaiguin go bibmet gárddis.
Jus bohccot jápmet gárdái dehe ožžot dávddaid de lea vejolaš oažžut njuolgga oktavuođa Ulrika Rockströmain Ruoŧa Elliiddikšodoaimmahagas dehe Birgitta Åhmanain Ruoŧa eanandoallouniversitehtas. Soai háledeaba oažžut dieđuid váttisvuođaid birra biebmama oktavuođas, vai oahppaba eanet ja vai oažžuba vejolašvuođa addit rávvagiid ja veahkehit iskosiid dehe obdukšuvnnaid dahkat.
Lea jurdda čállit gihppaga biebmama ja dearvvašvuođaváraid birra biebmama oktavuođas ovttas fuođđarfitnodagaiguin, boazoeaiggádiiguin geat háledit oassálastit ja báikkálaš šibitdoaktáriiguin. Buohkat lea bures boahtin buktit rávvagiid, ja muitalit vásáhusaid ja jurdagiid.
Eanandoallodoaimmahat juolluda EU-ruđa mii addá vejolašvuođa boazoeaiggádii gii bártida boazovigiiguin biebmama oktavuođas, gitta guovvamánu 2015 rádjái oažžut šibitdoaktára boahtit biebmangárdái ja oažžut nuvttá obdukšuvnna jápmán bohccuin. Lea ráddjejuvvon ruhtasubmi ja danne árvvoštallojuvvo áššis áššái sáhttá go fitnan/obdukšuvdna dahkkot.
Váldde oktavuođa:
Šibitdoavttir Ulrika Rockström, Ruoŧa elliiddikšodoaimmahat
Ulrika.rockstrom@svdhv.org
070-524 37 90
Professor Birgitta Åhman, Ruoŧa eanandoallouniversitehta
Birgitta.ahman@slu.se
070-251 53 07