Ođđa doaibmaáigodaga álggaheapmi ja rahpandoalut
Borgemánu loahpas čoahkkanit ođđa sámediggelahtut Likssjuoi válljet ođđa stivrra, ođđa stivraságadoalli, ođđa čoahkkinjođihangotti j.ie. Gaskavahkku čakčamánu 1 beaivvi 2021, rahppo Sámedikki gávccát doaibmaáigodat Ubmejeeatnogáttis, ja dan čuovvuba maiddái Ruvdnoprinseassa Victoria ja Prinsa Daniel.
Govat dás bajábealde leat govvejuvvon rahpamiin Gironis 2009, Jåhkåmåhkkes 2013 ja Staares 2017.
Prográmma ii leat vel áibbas válmmas muhto mii vuordit ahte visot lahtut ja guossit lea čohkkedan dii. 08:45. Diibmo 9 deaivvada ođđa ságadoalli Ruvdnoprinseassabára ja Västerbottena leanahearrá Helene Hellmark Knutsson Hotell Lappland olggobealde. Dasto sii vázzet fárrolaga stuora lávuide eatnogáttis gos almmolaš rahpan dáhpáhuvvá.
Gudnejahtton guossit leat ee. sámediggepresideanttat Norgga ja Suoma bealde; Aili Keskitalo ja Tuomas Aslak Juuso ja oaivebisma Antje Jackelén. Ruoŧa riikkabeaivvi ovddasteaddji lea ságadoalli Andreas Norlén. Ráđđehusa bealis boahtá Kulturministtar Amanda Lind.
Sámi artisttat geat guoimmuhit leat Jörgen Stenberg, Elin Teilus, Inga-Maija Blind ja Saara Hermansson. Sámeálbmotlávlla lávlojuvvo máŋgga sámegillii. Ođđa lahtuin lea nammačuorvun, ja šaddet maid muhtun dearvvuohtasártnit. Maŋŋel lea beaiveborramuš hotealla restoráŋŋas.
Ruvdnoprinseassabárra loahpaheaba iežaska mátkki Likssjuoi boares márkanis Gammplatsenis gos sámi antikvára Mikael Jakobsson muitala oaiveskálžžuid máhcaheami birra boares girkoeatnamii borgemánu 2019, ja čájeha vel sámi čájáhusa mas ee. Birger Nordin stuora duodječoakkáldat lea oassin.
Seammás lágiduvvo sámediggelahtuide seminára mas leat oanehis logaldallamat boazodoallolága ođasteami birra, sámediggeválggaid iskkadeami birra ja sámi duohtavuođakommišuvnna ráhkkananbarggu birra.. Eahkes leat ávvumállásat man Sámedikki ságadoalli doallá, ja mas artisttat čuojahit. Dat prográmma loahpahuvvo dii. 16.30.
FUOM! Västerbottenis lea korona fas leavvagoahtán ja danin eat sáhte rahpat doaluid buohkaide. Dušše bovdejuvvon guossit besset oassálastit. Rahpan rávdnjejuvvo Sámedikki YouTube-kanálas.
Journalisttat sáhttet váldit oktavuođa ja bivdit preassaprográmma dárkilet áigemeriiguin.
Preassaoktavuohta:
Marie Enoksson
Kommunikatevra
Sámediggi
Telefovdna: 070-310 09 94
marie.enoksson@sametinget.se
Jörgen Boman
Gulahallanhoavda
Västerbottena leanastivra
Telefovdna: 010-225 42 37, 070-669 00 10
jorgen.boman@lansstyrelsen.se
Jus media dáhttu dahkat jearahallamiid Ruvdnoprinseassabárain dán oktavuođas, de fertejit váldit oktavuođa Hoava diehtojuohkinossodagain Hovets informationsavdelning.