Sámediggi deaivvada biras- ja eanandoallolávdegottiin
Sámediggi deaivvada biras- ja eanandoallolávdegottiin go dat lea mátkkis Julevui Norrbottenii.
Sámediggi galgá ovttas RSR:ain, Boazoeaiggádiid oktavuođain ja Sáminuorain deaivvadit biras- ja eanandoallolávdegottiin digaštallat boazoealáhusa hástalusaid ja vejolašvuođaid. Dat áššit maid čoahkkimis váldit ovdan lea boazoealáhusa hástalusat, nuoraid boahtteáigi, servodatplánen, sisabahkkemat, dálkkádatrievdamat, vuovdedoallu ja meahceeallit.
Čoahkkimis leat mielde Sirges, Luokta Mávas ja Jinjevarie čearuid ovddasteaddjit geat ovdanbuktet áššiid čearuid perspektiivvas. Sámedikki bealis bohtet stivralahttu ja boazodoallolávdegotti ságadoalli Marita Stinnerbom, boazodoalloossodaga hoavda Lars-Ove Sjajn ja gieđahalli Tomas Kuhmunen.
Čoahkkin álggahuvvo beaiveborramušain maid sámi goahkka Kristoffer Åström ráhkada. Son fállá sihke guoli ja bohccobierggu seammás go muitala bohccobierggu birra mii lea sihke dálkkádatseastevaš ja ekologalaš borramuš maid dávjá vajálduhttit go lea sáhka bierggus.
Váldde oktavuođa:
Marita Stinnerbom
Sámedikki boazodoallolávdegotti ságadoalli, stivralahttu geas lea ovddasvástádus boazodoalloáššiin
tel. 070-399 98 06
marita.stinnerbom@sametinget.se