Sámedikki hálddahus
Sámedikki váldohálddahus gávdno Gironis. Mis leat maiddái báikkálaš čállingottit Johkamohkis, Staares ja Deartnás.
Hálddahushoavda
Sámedikki hálddahusas dahje čállingottis leat sullii 60 stáhtalaš hálddahusbargi. Bajemus hálddahusbargi lea hálddahushoavda guhte doaimmaha Sámedikki stivrii mearrádusvuođuid ja bidjá doibmii stivrra mearrádusaid. Hálddahushoavda galgá fuolahit ahte doaibma dahkko beaktileamos lági mielde ja njuolggadusaid mielde.
Ossodagat
Hálddahushoavddas lea su vuollásaš bargoveahka. Hálddahus lea juhkkojuvvon njeallje ossodahkii:
- Ekonomiija- ja hálddahusossodat
- Giellaossodat
- kulturossodat
- Sámi Boazodoallo- ja ealáhuseallinossodat
Doaibma
Sámedikki doaimma vuollái gullet olu iešguđetlágán suorggit dego sámi ealáhusat, boazodoallu, meahcceealleáššit, báikegottiid ovdánahttin, servodatplánen, biras ja dálkkádat, oahpahus ja dutkan, sámi kulturovdanbuktimiid ja árbemáhtu ovdánahttin, kulturárbeáššit, girjjálašvuohta, giellarávven, giellaealáskahttin, metodaovddideapmi, rájiidrasttildeaddji sámi ovttasbargu, olmmošvuoigatvuođat, unnitloguáššit, riikkaidgaskasaš álgoálbmotáššit ja diehtojuohkin sámiid ja sámi diliid birra.
