fredag 18 oktober 2019

Parlameantavisti

Dalle juo go Sámediggi ásahuvvui lei sáhka sámediggevistti birra. Golggotmánus 8.b. 1993:s mearridii dievasčoahkkin ahte Sámedikki váldohálddahus galggai ásahuvvot Gironii. 2004:s šaddagohte plánat parlameantavistti birra eanet konkrehtan muhto gávpotsirdin lea goahcan plánaid.

Perssona lohpádus
Ovddeš stáhtaministtar Göran Persson attii lohpádusa ođđa sámediggevistti birra sosiáldemokráhtaid guovlukongressas Suttesis njukčamánu 27 b.2004. Opmodatdoaimmahat (SFV) gohččojuvvui guorahallat ášši ođđa sámediggevistti birra. Guorahallan biddjui ovdan cuoŋománu 1.b. 2005. Dalle ráđđehus mearridii ahte SFV galggai bargat viidáseappot áššiin ja bidjat johtui arkiteaktagilvvu prošeaktagoasttádusráma mielde, 150 milj. ruvnnu. Visti galggai gul čájehit sámi kultuvrra ja identitehta ja šaddat deaŧalaš symbolavistin ja guovddášbáikin buot sámiid várás.

Arkiteaktagilvu
2006
111 gilvaleaddji ledje mielde gilvočájáhusas  Gironis ja Stockholmmas. Vihtta gilvaleaddji besse viidáseappot ja cuoŋománus 2006 nammaduvvui vuoiti. Leai Murman arkitekter Stockholmmas mii vuittii BADJÁNEAPMI nammasaš árvalusain. 2006:s šattai Girona gávpotsirdin eanet áigeguovdil ja seammás lotnahuvai ráđđehus. Vuosttaš viessosadji ii šat heiven daningo LKAB vuosttaldii hukset parlameantavistti dakko.

Iešguđet vissosadjeevttohusat
LKAB ja Sámediggi dolle čoahkkima golggotmánus 2006 ságastallandihte iežá vejolaš parlameantaviessosajiid birra. Dalle gesii prošeaktaoamasteaddji Stáhta opmodatdoaimmahat SFV ruovttoluotta huksenprográmma ruhtadanohcamuša ruhtadandepartemeanttas dainna ákkain ahte parlameantavistti evttohus lei ráhkaduvvon juste dan viessosaji vuođul. Dalá stáhtaráđđi Eskil Erlandsson dieđihii dattege ahte ráđđehusa áigumuš lei ain huksegoahtit parlameantavisttii Gironii. Muhto proseassa maŋŋonii sakka.

Viessosadji ođđa gávpotguovddážis

LKAB, Girona gieldda ja Sámedikki ovddasteaddjit leat ovttas arkiteavttain Hans Murmanain ságastallan eavttuid birra, omd. mikrodálkkádaga, lagašvuođa kommunikašuvdnaide ja bálvalusaide, šaddodaga, johtolaga ja eanandilálašvuođaid birra. Sámediggi dáhttu leat lahka bálvalusguovddáža ja leat oidnosis ođđa gávpotguovddážis, ja danin lea Girona gielda evttohan ođđa viessosaji lahka ođđa gávpotguovddáža mii dál lea huksejuvvome Duollovári lahka.

Iežát maid hálidit

Go lea leamaš nu olu guoktálastin parlameantavistti sajádaga dáfus, ja go ráđđehus ii leat vel bušeahtas várren dasa ruđa, de lea iežá gielddain badjánan doaivva oažžut vistti, ja muhtun sámediggepolitihkkáriin ges lea badjánan eahpesihkarvuohta báikki birra. Sihke Johkamohki gielda  ja Árvesjávrrie gielda leat ovddidan bovdejumiid Sámedikki stivrii parlameantavistti birra ja muhtun sámediggepolitihkkárat leat čállán mošuvnnaid ahte sirdit parlameantavistti huksema. DIevasčoahkkin lea dasto evttohan ahte stivra galgá guorahallat maiddái iežá báikkiid molssaeaktun Gironii. Gielddat leat dán dulkon “gilvun” ja leat viggan fállat viessosajiid ja čájehit iežaset buriid beliid. Gielddat besse ovdanbuktit iežaset fálaldagaid Skiellehte dievasčoahkkimis golggotmánu 2016. Dan maŋŋel gáibiduvvojedje gielddain dievasmahtti dieđut vai sáhttet vuoiggalaččat buohtastahttot.

Mearrádusproseassa
Dievasčoahkkin ii dahkan mearrádusa Tråantes guovvamánu 2017. Ášši šattai baicca ođđa stivrra beavdde nala maŋŋel jagi 2017 sámediggeválggaid. Stivra evttohii čađahit válljenproseassa. Dievasčoahkkin Saadteskenjuanas miessemánu 2018 gieđahalai ášši ja válljii guokte báikki mat galget buohtastahttot Gironiin, namalassii Vualtjere ja Staare. (Dievasčoahkkinbeavdegirji 2018-05-23--25). Dál galgá dahkkot váikkuhusguorahallan. Loahpalaš mearrádus dahkko dievasčoahkkimis skábmamánus 2018.

 

© Sametinget 2019
Uppdaterad: 2018-06-18

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON / KIRUNA
Besök: Adolf Hedinsvägen 58
Tel 0980-780 30, Fax 0980-780 31
E-post kansli@sametinget.se

Kontaktformulär 
Så här behandlar vi dina personuppgifter

Öppettider:
Mån-Fre 08:30-12:00, 13:00-16:00
Sommartid:
Mån-Fre 08:30-12:00

MenySametinget
MenySametinget
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?