onsdag 1 december 2021

Giellavahkku golggotmánus

Lea goalmmát jahki go Ruoŧa, Norgga ja Suoma sámedikkit lágidit giellavahkku, ja dat dáhpáhuvvá vahkku 43, golggotmánu 25-31 beivviid 2021. Sámedikkit lea dál plánegoahtán got ovttas sáhttit čalmmustahttit sámegielaid.

Jurdda sámi giellavahkkuin lea loktet sámegielaid árvvu ja máhtu sámegielaid ja kultuvrra birra olles servodagas. Juste dán vahkku galget sámegielat gullot ja oidnot feara gos. Min oktasaš neahttasiidui www.giellavahkku.org bidjat visot dieđuid giellavahkku birra, ja doppe gávnnat maid liŋkkaid daidda dáhpáhusaide mat lágiduvvojit guđege riikkas.

Sámi giellavahkku lea oktasaš eaktodáhtolaš bargu man ulbmil lea čalmmustahttit ja loktet máhtu sámegielaid birra olles servodagas. Mii ávžžuhit priváhta ja almmolaš ásahusaid, fitnodagaid, organisašuvnnaid ja iežáid fuomášuhttit sámegiela juste dán vahkku. Ovttas váldit mii stuorit ovddasvástádusa čájehit sámegielaid, vai dat gullojit ja geavahuvvojit buot surggiin servodagas.

Ama searvvat? Mii sávvat ahte don veahkehat čalmmustahttit sámi giellavahkku 43.

Sámi giellaguovddáš lágida vihtta digitála giellaeahkeda, Teams bokte, main geavahit duššefal sámegiela (ii leat dulkon). Bures boahtin searvat ságastallamiidda dáid eahkediid, lea maiddái vejolaš divvut jearaldagaid.

Don it dárbbaš ovdal ilmmuhit jus áiggut oassálastit giellaeahkediid. Jus dihtora bokte searvvat, de deaddilat liŋka, jus telefovnna bokte searvvat de fertet viežžat dasa Teams-áppa. Giellaeahkedat eai báddejuvvo nu ahte daid ii leat vejolaš maŋŋel geahččat.

Mánnodaga 25/10 18:30-20.00 digitála ja fysalaš bihtánsámi giellaeahket. Jus háliidat báikki alde searvat, de boađát girjerádjosii, Árjepluovvái (ane váras jus sirdo iežá báikái). Mii gáfestallat maid. Tage Rankvist, Greta Kaddik j.ie. juogadit muitalusaid main lea fáddán; ”Mii geat leat bajásšaddan Bihtáneatnogáttis”.
Deaddil dán liŋka jus áiggut čuovvut!

Disdaga 26/10 17:00- 18:00 digitála julevsámi giellaeahket. Elli-Karin Pavval ja Inga Pirak Hedström muitaleaba ja juogadeaba muittuid mánnávuođa birra.
Deaddil dán liŋka jus áiggut čuovvut!

Disdaga 26/10 19:00-20:00 digitála davvisámi giellaeahket. Kjell Marainen muitala iežas eallima birra ja makkár vejolašvuođaid sámegiella lea sutnje addán, man dehálaš lea geavahit sámegiela.
Deaddil dán liŋka jus áiggut čuovvut!

Gaskavahkku 27/10 19:00-20:00 digitála upmisámi giellaeahket. Sophia Rehnfjell lohká iežas ođđa girjji Gájuoh Muv! Gïjrra Almien jah Enoken luvnnie/Rädda mig! Giđđa Almmie ja Enok luhtte, ja maŋŋel dan lea ságastallan.
Deaddil dán liŋka jus áiggut čuovvut!

Duotastaga 28/10 19:00-20:00 digitála oarjánsámi giellaeahket. Vanja Torkelsson muitala iežas ođđa girjji birra Eeremes saemiestidh 1, ja iežá muittuid eallimis.
Deaddil dán liŋka jus áiggut čuovvut!

Mii sávvat ahte sámegiella gullo, oidno ja geavahuvvo vahkku miehtá!

Jus leat jearaldagat, de váldde oktavuođa Giellavahkku prošeaktajođiheddjiin Sannain sanna.vannar@sametinget.se

Giellavahkku.org


Sparat!
Visar sidorna 1 till 20 ( av 31 )
«12»
© Sametinget 2021
Uppdaterad: 2021-10-19

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON / KIRUNA
Besök: Adolf Hedinsvägen 58
Tel 0980-780 30
E-post kansli@sametinget.se

Kontaktformulär 
Så här behandlar vi dina personuppgifter

Tillgänglighetsredogörelse

Öppettider:
Mån-Fre 08.30-15.00
Öppettider kring storhelger och under sommaren:
Mån-Fre 08.30-12.00

MenySpråk
MenySpråk
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?