Ulbmil doarjagiin lea loktet ođasmahtti energiija geavaheami ja eanet energiijabeaktilis fitnodagaid mat váikkuhit dálkkádaga buori guvlui ja mat nagodit dustet dálkkádatmuktašuvvamiid. Sámi ealáhuseallimii ja boazodollui eareliiggánit lea doarjja energiijabeaktilisvuhtii ođas. Muhto das dárbbašuvvo goitge ahte buohkat servet ja váikkuhit unnit energiijageavaheapmái. Dan sáhttá dahkat ođđa hutkás čovdosiiguin dakkár árbevirolaš surggiid siskkobealde main dábálaččat eai leat čanastagat energiijii. Resursabeaktilvuohta buktá buoret ja nannoset fitnodagaid mat eai nu sakka loavtte birrasa ja dálkkádaga.

Energiijabuvttadeapmi

Don sáhtát oažžut doarjaga ráhkadit ođasmahtti energiija, sihke iežat atnui ja vuovdima várás. Dat sáhttá leat omd.:

• bioenergiija (energiija biohivvodagas)
• bieggafápmu
• beaivvášenergiija
• čáhcefápmu
• eanaliekkas
• bákteliekkas

Don sáhtát oažžut doarjaga:

• goluide čađahit investerema, omd. oastit bargobálvalusaid ja ođđa ávdnasiid, oastit oktanaga dahje osiid mielde ođđa rusttegiid ja ođđa mašiinnaid  
• bálvalusaide maid oasttát arkiteavttain, inšenevrrain ja konsulttain
• investeremiidda oastit dehe ráhkadit ođđa dihtorprográmmaid

Dáidda goluide IT oaččo doarjaga:

•  Bálkkáide iežat fitnodaga bargiide
•  Iežat bargui čađahit investerema  .

Fuomáš dán:

• Go buvttadat elenergiija biohivvodagas de galggat geavahit unnimusat 30 proseantta bázahuslieggasis.
• Don sáhtát oažžut doarjaga eanemusat 40 prosentii goluin.

Eanandoallodoaimmahaga ruovttusiiddus leat olu eanet dieđut. Sádde ohcamuša sin e-bálvalusa bakte.