torsdag 28 mars 2024

ON Eamiálbmot-vuoigatvuođaid áššiid erenoamášdieđi-headdji boahtá Bierkii

Borgemánu 25-27 b 2015 boahtá Bierkii/Deardnái (Hemavan/Tärnaby) guossi. Dalle oassálastá ON Eamiálbmotvuoigatvuođaid áššiid erenoamášdieđiheaddji Victoria Lucia Tauli-Corpuz konferánssas maid davviriikkalaš sámedikkit lágidit Sámi Parlamentáralaš Ráđi bakte. Ruoŧa, Norgga ja Suoma ráđđehusovddasteaddjit bohtet maiddái konferánsii. Kultur- ja demokratiijaministtar Alice Bah Kuhnke lea mielde gaskavahkku.

ON Eamiálbmotvuoigatvuođaid áššiid erenoamášdieđiheaddji bargu lea čuovvolit, rapporteret ja rávvet ráđđehusaid got dat galget gieđahallat álgoálbmotáššiid iešguđet riikkas. Dát lea nubbi geardi go ON Eamiálbmotvuoigatvuođaid áššiid erenoamášdieđiheaddji galleda Sámi. Victoria Tauli-Corpuz nammaduvvui ja válddii badjelasás dán ámmáha geassemánus 2014 maŋŋel professor James Anaya. Anaya galledii Roavvenjárgga Suomas 2010, ja deaivvadii dalle davviriikkalaš sámedikkiiguin ja ráđđehusaiguin. Su raportta ja rávvagiid gávnnat dáppe: http://www.ohchr.org/Documents/Issues/IPeoples/SR/A-HRC-18-35-Add2_en.pdf

Konferánssas Bierkes (Hemavan) váldojuvvo 2011 raporta ovdan mas sámi iešmearrideapmi ja davviriikkalaš sámekonvenšuvdna leat guovddáš áššin. Davviriikkaid sámedikkit dáhttot eareliiggánit deattuhit daid hástalusaid maid luondduriggodagaid eksploateren dagaha; namalassii ruvkket, bieggafápmu, oljobohkamat, vuovdedoallu jna. Dáin áššiin lea sámiin lea hui unnán váikkuhanváldi dálá lágaid mielde.

Konferánsa álgá distaga veaigin ja dalle galledit oasseváldit plánejuvvon ruvkebáikki Raavrejohkes (Rönnbäck). Doppe oažžu Victoria Tauli-Corpuzii dieđuid daid váikkuhusaid birra maid nikkelruvke dagaha jus dat ásahuvvo Raavrejohkii. Mátkkis leat maiddái Vaapsten čearu ja Vaapsten Sijte ovddasteaddjit fárus.

- Mii leat hui ilus ja lea stuora gudni midjiide ahte erenoamášdieđiheaddji čájeha ná  stuora beroštumi sámi guovlluide, lohká Sámedikki stivraságadoalli Håkan Jonsson. Su mátki deike mearkkaša midjiide hui olu.

- Davviriikkat leat goit oalle njunnožis iežá guovlluid ektui álgoálbmotáššiid ovddideamis. Mii sávvat ahte konferánssa ságastallamat ja earenoamášdieđiheaddji čoahkkinraporta mielddisbuvttášii láhkarievdadusaid mat addet sámiide eanet mielváikkuhanválddi, ja ahte bargu Davviriikkalaš sámekonvenšuvnnain válbmanivččii buoredáhtolašvuođas. Mun háledan jáhkkit ahte Ruoŧŧa boahtteáiggis duođaleappot vuhtiiváldá sámi vuoigatvuođaid, loahpaha Håkan Jonsson.

FUOM! Gaskavahkku maŋŋelgaskabeaivvi dii. 16 lea várrejuvvon áigi preassakonferánsii.

Victoria Tauli-Corpuz lea ieš Kankana-ey, ja gullá Igorot álgoálbmogii Cordillera-guovllus Filippiina-sulluin. Son lei guovddážis ON álgoálbmotjulggaštusa bargguin ja šiehtadallamiin. Gaskal 2005-2009 jođihii son ON Bistevaš álgoálbmotforuma. Son lea leamaš álgoálbmotaktivista ja njunuš láhkačeahppi álgoálbmotrievttis, olmmošvuoigatvuođain, nissonvuoigatvuođain, birasáššiin, organisašuvnnas ja jođiheamis.

Oktavuohta:

Sámedikki stivraságadoalli Håkan Jonsson, +46-70-322 83 01, +46-70-372 10 10

Siri Persson, hálddahuslaš gieđahalli, +46-980-780 35, +46-70-578 12 02

Visar sidorna 121 till 140 ( av 218 )
© Sametinget 2024
Uppdaterad: 2015-08-21

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

VISSELBLÅSARFUNKTION

E-FAKTURA

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90
981 22 GIRON / KIRUNA

Vid rekommenderad post använd adressen ovan!

Besöksadress: Adolf Hedinsvägen 58
Tel. 0980-780 30
E-post: kansli@sametinget.se
Org.nummer: 202100-4573

Kontaktformulär 
Så här behandlar vi dina personuppgifter

Tillgänglighetsredogörelse

Öppettider:
Mån-Fre 08.30-12.00, 13.00-15.00
Kring storhelger och under sommaren:
Mån-Fre 08.30-12.00

MenyPress
MenyPress
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?