Sámedikki sátnegirjjit áppan du mátketelefovdnii
Dál sáhtát atnit sámedikki sátnegirjjiid áppan iežat mátketelefovnnas dehe surfenfiellus. Áppa almmuha Sámi giellaguovddáš mii gullá Sámediggái vuollái. Áppas sáhtát ohcat sihke ruoŧagillii ja sámegillii ja lea álki molsut giela. Áppa viežžá dieđuid Sámedikki websátnegirjjis ja das leat dál oarjánsámegiel ja julevsámegielsánit.
Sámi giellaguovddáš háliida dáinna áppain álkidahttit sámedikki giellaávdnasiid geavaheami. Go leat viežžan áppa de máhtát dan geavahit almmá telefovdnaneahta dehe interneahta haga. Giellaealáskahttin digitála veahkkekanálaid bakte gullá giellaguovddáža metodaovddidanbargui.
Ollusat leat vuordán ahte Sámedikki giellaveahkkereaiddut livčče ohcanláhkái ođđaáiggi teknologiijain. Áppa lea álki geavahit. Dat lea dieđusge nuvttá.
Áppas leat seamme dieđut go dain sátnegirjjiin mat juo gávdnojit Sámedikki neahttasiiddus. Sátnegirjjit ođastuvvojit čađat ja ođasteamit čuvvot maiddái áppai. Earret sániid de leat maid dieđut sátneluohkás, sojaheamis, vearbajoavkkus (oarjánsámegielas), dássemolsumis (julevsámegielas) j.ea.
Giellaguovddáš jáhkká ahte áppa lea hui ávkkálaš studenttaide ja ohppiide. - Min mielas galgá leat álki geavahit sátnegirjjiid. Dat lea mávssolaš sihke giela oahppamii ja geavaheapmái, muitala Anders Östergren Sámi giellaguovddážis.
Áppa lea hui deaŧalaš oassi Sámi giellaguovddáža barggus giellaealáskahttimiin. Leat leamaš unnán sámegieláppat, eareliiggánit sátnegirjeáppat ruoŧagillii/ruoŧagielas.
Jus háliidat diehtit eanet:
Anders Östergren
Sámi giellaguovddáš
070 – 598 40 09
anders.ostergren@sametinget.se
Dán áppa ráhkadettiin lea Sámi giellaguovddáš ovttasbargan Sámedikki giellakonsuleantaguovttuin Per-Martin Israelsson ja Nils-Olof Sortelius.
