Kulturráđđi
Okta Sámedikki váldodoaimmain lea ahte bargat ealli sámi kultuvrra ovddas. Sámedikkis lea ovddasvástádus juohkit stáhtalaš kulturruđa sámekultuvrra várás.
Mii lea sámekultuvra?
Lea veaháš váttis definieret mii sámekultuvra lea. Oarjemáilmmi oaidninvuogi mielde leat "fiinna dáidagat" musihkka, teáhter ja dáidda "kultuvra". Eanas sámit rehkenastet maiddái sámi ealáhusaid sámi kulturdoahpagii. Ovdamearkka dihte lea boazodoallu árbevirolaččat sámi kulturguoddi. Maiddái media ja valáštallan ožžot kulturruđaid.
Ruđat stáhtas ja Sámefoanddas
Stáhtalaš kulturruđaid summi lea 17,9 miljovnna ruvnnu jahkásaččat. 5,5 miljovnna ruvnnu manna sámi teáhterii. Teáhtera bargogohčus lea ovdanbuktit sámi lávdedáidda, gáhttet ja ovddidit sámi gielaid ja kulturárbbi. Earret stáhtadoarjja juolluda Sámefoanda sullii 5 miljovnna ruvnnu jahkásaččat sámi kultuvrra ja organisašuvnnad várás.
Sámedikki kulturráđđi
Sámedikki kulturráđis leat vihtta lahtu geat leat válljejuvvon dievasčoahkkimis. Sámedikki kulturráđđi hábme kulturpolitihkalaš doaibmaprográmma mii mearrida sámi kulturpolitihkalaš háltelinjá mandáhtaáigodagas. Doaibmaprográmma viggamušlinjá digaštallojuvvo dievasčoahkkimis ovdal go dohkkehuvvo.
Váldodoaibma
Kulturráđđi juohká ruđaid ja álggaha ovdáneami Sámedikki kulturbarggus. Kulturráđis leat unnimusat njeallje čoahkkima jahkásaččat.
Kulturgieđahallit
Okta bargogohčus lea válbmet áššiid ja leahkit čállin kulturráđi čoahkkimiin.