Suddjet ja ovddidit unnitlogugiela
Unnitogugiellalága mielde leat buohkat geat jođihit almmolaš doaimma geatnegasat suddjet ja ovddidit našuvnnalaš unnitlogugielaid.
Suddjet ja ovddidit
Suddjet mearkkaša ovdamearkka dihte ahte eiseváldi dehe suohkan ii oaččo gieldit iige váddudit unnitlogugiela geavaheami. Ovddidit mearkkaša ahte eiseválddit ja suohkanat berrejit árjjálaččat bargat unnitlogugielaid nannemiin ja čalmmustahttimiin.
Čalmmustahttit
Okta vuohki fuomášahttit olbmuide guovllu unnitlogugielaid birra lea čalmmustahttit daid. Seammás dat addá giellageavaheddjiide signála ahte sin giella lea seammá árvvolaš go iežá gielat. Sáhtta gielaid čalmmustahttit ovdamearkka dihte ná:
- galbbaiguin
- jorgalit dihto dieđuid vaikko geavaheaddji ipmirda ruoŧagiela
- oahpahit bargoveaga unnitlogugielaid lágalaš sajádaga ja rivttiid birra
- árvvusatnit unnitlogugiellamáhtu go virgáda ođđa bargiid
- doallat unnitloguperspektiivva politihkalaš mearrádusain
Galbet unnitlogugillii
Unnitloguođastusas gohččojuvvo Geaidnodoaimmahat eambbo bargat báikenamaid galbemiin unnitlogugillii. Báikenamma lea mávssolaš oassi kulturárbbis. Stáhtalaš ja gieldda eiseválddit berrejit gáhttet báikenamaid ja čalmmustahttit unnitlogugielaid galbbain ja iežáládje.
Ráđđádallan
Visot mearrádusaid mat gusket našuvnnalaš unnitloguide galggašii gielda váldit ráđđádaladettiin unnitlogujoavkkuid ovddasteddjiiguin. Gielda sáhttá váldit oktavuođa soames servviin dehe hábmet iežas ráđđádallanjoavkku.
