Nuorttarijkaj sáme giellaguddnebálkká vatteduvvá 2022
Viesajdiddje, organisasjåvnå, institusjåvnå ja fábmudagá Vuonan, Svierigin, Suoman ja Gárjjelin máhtti giellaguddnebálkkákandidáhtav nammadit jagen 2022. Oajvvada ja tjielggi tjálalattjat gev sidá guddnebálkká-vuojtten, ale ienebuv tjále gå guokta biele.
GÅLLEGIELLA – Nuorttarijkaj sáme giellaguddnebálkká galggá vatteduvvat lågåt bále tjaktjadálven 2022 Svierigin, sámeminisstarij ja sámediggepresidentaj jahkásasj tjåhkanimen. Giellaguddnebálkká vatteduvvá aktugattjajda jali organisasjåvnåjda gudi li åvdedam sámegielajt Vuonan, Svierigin, Suoman jali Gárjjelin.
Giellaguddnebálká ulmme
Giellaguddnebálkká galggá viehkken årrot åvdedittjat, åvddånahtátjit jali várjjalittjat sámegielajt Vuonan, Svierigin, Suoman ja Gárjjelin.
Gut máhttá guddnebálkáv oadtjot?
Giellaguddnebálkká máhttá vatteduvvat aktugattjajda, juohkusijda, organisasjåvnåjda, siebrijda ja institusjåvnåjda gudi li ájnas dagov dahkam åvdedittjat, åvddånahtátjit jali várjjalittjat sámegielajt tjálalattjat, njálmálattjat jali ietjá láhkáj. Gájklágásj álggaga ma åvdedi sámegielav vieleduvvi. Guddnebálkká máhttá lahkkálakkoj juogeduvvat.
Oajvvada kandidáhtav!
Viesajdiddje, organisasjåvnå, institusjåvnå ja fábmudagá Vuonan, Svierigin, Suoman ja Gárjjelin máhtti giellaguddnebálkkákandidáhtav nammadit jagen 2022. Oajvvada ja tjielggi tjálalattjat gev sidá guddnebálkkávuojtten, ale ienebuv tjále gå guokta biele. Oajvvadus galggá árvustallamrádáj jåvsådit maŋemusát 07.08.2022.
Adrässa:
Gollegiella
Sametinget
Box 90
SE-981 22 Giron/Kiruna
Tjále jali skuola jus dujna li gatjálvisá:
Anita Kitok,
árvustallamráde tjálle
anita.kitok@sametinget.se
+46 (0)980-681 98
Gållegiella – Nuorttarijkaj sáme giellaguddnebálkká l ásaduvvam sámeminisstarijs ja sámediggepresidentajs Vuonan, Svierigin ja Suoman. Guddnebálkká vatteduvvá fert nuppát jage, 2004 rájes. Giellaguddnebálká vuojtte oadtju 15 000 euro.
