Efter anmälan (lulesamiska)
Ájgen gitta basádismáno 15.b. 2024 válljimsiebrreráde gárvvi guodedum diedádusájt ja rávkká ållestimev jus la dárbulasj.
Gålmmå fábmudagá aktijbarggi; Sámedikke válljimsiebrreráde, Norrbottena lenastivrra ja Válljimfábmudahka. Gájka hähttuji tjuovvot Sametingslagen (1992:1433) kap 3. Val till Sametinget
Sámedikke váljjimsiebrreráde galggá maŋemusát basádismáno 15.b. jagen Sámediggeválljima åvddåla mierredit gasskabåddåsasj sámejienastimlågov. Brevav märrádusá hárráj oadtju goappátjagá gut la tjáledum jienastimlågon ja gut oadtju hilgudisáv.
Válljimsiebrreráde märrádusá maŋŋela gasskabåddåsasj sámejiednastimlågo hárráj de galggá gasskabåddåsasj sámejienastimlåhko gávnnut gehtjadibmáj basádismáno 15.b. –javllamáno 15.b. ájgen nåv gåk Válljimfábmudahka mierret maŋŋel gå l rádedam Sámedikkjn. Gasskabåddåsasj sámejienastimlåhko almoduvvá gehtjadibmáj gålmmålåk bájkijn Sámeednamin ja Svierigin.
Ulmutja gudi li hilgudisáv oadtjum bessi märrádusáv gujddit. Gut la tjáledum sámejienastimlågon bässá gujddit ietjá ulmutjav gut la tjáledum sámejienastimlågon. Gujddim rájaduvvá lenastivrraj gånnå Sámedigge l biejadum. Dálásj ájge l Norrbottena Lenastivrra.
Norrbottena lenastivrra giehtadallá rabás tjåhkanimen máhttelis gujddimássjijt guovvamáno 15.b. válljimjage. Válljimsiebrreráde dan maŋŋela mierret stuoves sámejienastimlågov lenastivra märrádusá maŋŋela. Dagáduvvá maŋemusát sjnjuktjamáno1.b. válljimjagen.
Válljimfábmudahka dan maŋŋela gárvvidahtjá rádjusijt Sámediggeválljima hárráj.
Sámediggeválljim 2025 jagen la goalmát ájllega moarmesmánon – d.j. moarmesmáno 18.b. 2025.