Nana demokratiija julggaštus
Sámedikki stivraságadoalli Per-Olof Nutti lea dán mánu álggus vuolláičállán Julggaštusa nana demokratiija birra. Dáinna julggaštusain doarju Sámediggi demokratiija árvvuid ja hilgu maiddái áitagiid demokratiija vuostá, omd. korrupšuvnna, vealaheami ja rasismma. Sámediggi váldá maiddái badjelasas máŋga demokratiija guoskevaš geatnegasvuođa 2021:s.
Julggaštusa nana demokratiija birra lea Kommittén Demokrati 100 år hábmen, ja áigu dainna čohkket iešguđet bealálaččat veahkkin nannet ja ovddidit demokratiija Ruoŧas. Go vuolláičállá julggaštusa, de dorjot bealálaččat demokráhtalaš árvvuid ja prinsihpaid, ja čájehit ahte hilgot vealaheami, ekstremismma, vierrovaši, korrupšuvnna ja rasismma. Sámediggi vuolláičálii julggaštusa njukčamánu 9 beaivvi.
- Go dál leat vuolláičállán Julggaštusa nana demokratiija birra de doarju Sámediggi demokratiija, olbmuid dásseárvvu ja vuđolaš friddja- ja vuoigatvuođaid, ja maiddái riektestáhta prinsihpaid, lohká stivraságadoalli Per-Olof Nutti.
Julggaštus lea čállon oassin demokratiija 100-jagi ávvudeamis mii lea 2021:s. Julggaštusa ulbmil lea čohkket ja oažžut fárrui fámuid geat dorjot demokratiija, ja movttiidahttit eanebuid doarjut ja bargat demokratiijai buorrin. Demokratiija lea oassin Kommitea barggus ásahit našuvnnalaš čoakkáldaga mas lea namma”Vår demokrati – värd att värna varje dag”.
Háliidat go diehtit eanet Nana demokratiija julggaštusa birra? Mana interneahttasiidui vardemokrati.se
Váldde oktavuođa
Per-Olof Nutti, stivraságadoalli
070-376 31 12
Ylva Holmberg, prošeaktajođiheaddji
063-15 08 54
