fredag 30 oktober 2020

Giellavahkku 2020

ON nammadii jagi 2019 álgoálbmotgiellajahkin – IYIL 2019. Norgga Sámediggi lea ges nammadan vahkku 43 sámi giellavahkkun, ja dan vahkku galget olles Sámi sámegielat čalmmustahttit.

Giellavahkku Sámis v. 43
Giellavahkku ulbmil lea čalmmustahttit sámi gielaid almmolaš birrasis, loktet máhtu sámi gielaid birra, ja veahkehit lokte sámi gielaid stáhtusa. Ruoŧa, Norgga ja Suoma sámedikkit bohtet dán vahkku lágidit olu gielladoaimmaid máŋgga servodatdásis. Sosiála mediat, filmmat, deaddiluvvon ávdnasat ja olu iežá, dahket ahte giellavahkku sihke oidno ja gullo. Sámedikkit dáhttot gielaid oidnot, gullot ja geavahuvvot visot servodatsurggiin giellavahkku oktauođas. Dál ávvudit Giellavahkku/Gïelevåhkoe/ Giällavahkkuo/ Giellavahkko/ Giellavahkko/ -Samisk språkvecka. 

Digitála giellaeahkedat
Sámi giellaguovddáš lágida vihtta digitála giellaeahkeda Zoom meeting bokte main sámegiella lea gulahallangiellan. Mii dahkat dán ovttas Likssjuo Medborgarskuvllain. Mii fállat iešguđet fáttáid, ja sávvat ahte don aktiivvalaččat searvvat. Don soaittát maid háliidit muitalit juoidá? Sáhtát áinnas divvut giellajearaldagaid! Leat vaikko man olu vejolašvuođat!

Mánnodaga 19/10 16:30- 18:00 lea digitála bihtánsámi ”muitalusboddu” Peter Steggoin ja Inger Fjällåsain, sihke gáidosis ja báikki nalde Árjepluovve oahppoguovddážis.

Mánnodaga 19:00-20:00 lea digitála julevsámi giellaeahket ja de beassat guldalit Kuoljok oappášguovtto AnnMaj ja Anette geat muitaleaba; ”Muittuid Stuor-Julevus ja Tjieŋalluovttas”.

Disdaga 20/10 18:30- 20:00 lea digitála oarjánsámi giellaeahket mas Anna Sofie Bull Kuhmunen muitala iežas girjji birra "En annan väntan : Adoption i Saepmie - Sameland /Jeatjah vuertiemisnie : Adopsjovne Saepmesne".

Gaskavahkku 21/10 19:00-20:30 lea digitála ubmisámi giellaeahket mas Sophia Rehnfjell guoimmuha.

Duorastaga 22/10 18:30-19.30 lea digitála davvisámi giellaeahket ja de beassat guldalit John E Utsi ja Sofia Baer geat muitaleaba Mikkel Utsi birra gii jođii Skottlándii, ja Cairngorm našunálameahci doaimmaid birra. 

Don sáhtát dieđusge čuovvut logaldallamiid visot eahkediid. Dieđit Likssjuo Medborgarskuvlii jus áiggut čuovvut www.medborgarskolan.se ohcansátni lea sapmi, ja doppe válljet daid logaldallamiid maidda háliidat dieđihit. Medborgarskuvla addá bagadusaid ja veahkeha min logaldallamiid rávdnjemiin.

Čuovo Giellaguovddáža Facebook-eventa, doppe oainnát mii vel dáhpáhuvvá giellavahkku oktavuođas.

Geahča maiddái https://giellavahkku.no / liŋkka, doppe oainnát giellavahkku doaluid miehtá Sámi.

Hutkka juoidá ieš maid!
Maiddái hálddašangielddat ja ovttaskas olbmot sáhttet ieža hutket feara maid. Dál leat muhtun ovdamearkkat:

  • Lágidit sámegiel muitalusbottu girjerádjosis
  • Mannat boarrásiidruovttus sámegielagiid guossis
  • Stoahkat stohkosii dahje spealuiguin ovdaskuvlamánáiguin
  • Oahpahit muhtun mánáide logi sámegielsáni
  • Evttohit sámi fáttát iežat skuvllas
  • Jorgalit borramušfálu sámegillii dan boradanbáikkis masa liikot
  • Darvehit šilttaid dakko gokko heive (dás gávnnat šilttaid)
  • Čállit sámegillii sosiála mediain
  • Viežžat divvunprográmma iežat dihtorii
  • Viežžat sámegiel sátnegirjji iežat telefovdnii
  • Dieđihit sámegielkursii
  • Sárdnut sámegiela olles vahkku buohkaiguin geaid deaivvat
  • Ohcat sámegielgirjjiid sadjohassii girjerádjosis dege boradanlanjas
  • Lágidit njoarostangilvvu
  • Guldalit sámi musihka
  • Oahpahit muhtunii vahkkobeivviid sámegillii
  • Oahpahit muhtuna lohkat logi rádjái sámegillii
  • Lohkat ”mun ráhkistan du” sámegillii sutnje gean ráhkistat
  • Čállit lohkkiidreivve muhtun aviisii mas muitalat man dehálaš sámegiella lea dutnje ja manin

 

Dán liŋka bokte sáhttibehtet čalmmustahttit iežadet giellavahkku doaimmaid  https://giellavahkku.no/sv/ny-aktivitet/

Fáddágilkorat:
Mii ávžžuhit buohkaid geavahit fáddágilkoriid dás vuollelis, ja juogadit juoidá iežadet doaluin sosiála mediain. Dalle besset buohkat oaidnit ja mii beassat juogadit giellailu ovttas. Dasa lassin beassá olles máilbmi min oaidnit!

#giellavahkku2020 #gïelevåhkoe2020 #giellavahkko2020 #giällavahkkuo2020

 

© Sametinget 2020
Uppdaterad: 2020-10-15

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON / KIRUNA
Besök: Adolf Hedinsvägen 58
Tel 0980-780 30
E-post kansli@sametinget.se

Kontaktformulär 
Så här behandlar vi dina personuppgifter

Tillgänglighetsredogörelse

Öppettider:
Mån-Fre 08.30-15.00
Sommartid:
Mån-Fre 08.30-12.00

MenySpråk
MenySpråk
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?