Haddedoarjaga raporteren rievdá
Mis lea áššegieđahallansystema haddedoarjaga máksimii.
Raporteret ná:
- Njuovvandieđut vižžojit njuolga njuovahatprográmma bokte, dahje
- Njuovvandieđut raporterejuvvojit sierra neahttaportála bokte Sámedikki neahttasiiddus geahča dáppe (čuovo liŋka). Jus ná raportere njuovvandieđuid, de sáhttá dan dahkat excel- dahje dj-fiilan.
Jus njuovahatprográmma galgá sáhttit njuolga viežžat njuovvandieđuid, de ferte muhtun heivehallamiid dahkat dáin prográmmain. Min programmerenbargit leat ovdal sádden dieđuid dán birra sidjiide geaidda guoská, omd. RSR ja Svantes Vilt & Bär.
Fuomáš ahte mii heaittihit boares áššegieđahallanvuogi. Visot raporteren galgá dahkkot njuovahatprográmma bokte dahje neahttaportála bokte. Njuovvandieđut mat sáddejuvvojit e-boastan Sámediggái eai boađe gieđahallot.
Mii joatkit digitála ovdánahttima iežamet áššegieđahallamis. Jurdda lea ahte boazomearkkat, boazologut ja meahcieallibuhtadusat maiddái galget digitaliserejuvvot. Muhto man jođánit dan dahkat lea ekonomalaš resurssaid duohken.