söndag 12 juli 2020

Gonagasbárra ávvudeaba sámi álbmotbeaivvi Jåhkåmåhke márkaniin

Guovvamánu 6 beaivvi lea sámi álbmotbeaivi. Jåhkåmåhkes ávvuda Sámediggi dán beaivvi ovttas Gonagas DDMM Carl XVI Gustafain, Dronnet Silviain ja leanahearráin Björn O Nilssoniin.

Lea Sámediggi mii lea bovden gonagasbára čuovvut álbmotbeaivvi ávvudeami ja márkaniid. Iežá guossit leat Björn O. Nilsson, Norrbottena leanahearrá eamidiinnis Helena Brink Nilsson. Sámedikki ságadoalli Paulus Kuoljok ja várreságadoalli Åsa Blind váldiba vára gussiin.

Álbmotbeaivvi bohtet eareliiggánit sámi nissonat ja sin eallindagut ja muitalusat leat guovddážis. Šaddá ságasteapmi das got seailluhit árbevirolaš eallinvugiid (boazoealáhusa, duoji, giela, bajásgeassima ja skuvlla jnv.) ođđa áiggis, ja got dustet ođđa hástalusaid dego dálkkádatrievdamiid ja globaliserema.

Jåhkåmåhke márkaniiguin álge 1600-logu álggus maŋŋelgo Hertig Karl dege Gonagas Karl IX lei mearridan ahte Lappmarkenii galge ásahit márkanbáikkiid. Dáid márkaniid 400-jagi boares historjá lea čájehan Ruoŧabeal sámi kultuvrra 1600-logu rájes gitta dálážii, Dálá áiggis leat márkanat sturron sakka ja leat doalut main leat hirbmat olu kulturfálaldagat. Loga eanet

Prográmma:

  • Dii. 11:00-11:25 Fitnat Sámeskuvlla guossis, Linnea Kuoljok Palo váldá vuostá gonagasbára ovttas 5-6 luohká mánáiguin ja oahpaheddjiiguin.
     
  • Dii. 11:35-12:50 Beaiveborramuš Sámedikki stivrrain ja báikegoddeministariin Jennie Nilssoniin guhte maid lea Jåhkåmåhkes. Biebmočeahppi: Linn Huuva, Viddernas Hus.
     
  • Dii. 13:00-13:35 ÁLbmotbeaivedoalut muohtalávddis gasku márkanbáikki. Láidesteaddjin lea Jan-Erik Kuoljok.
    Lágideaddji lea Jåhkåmåhke sámi searvi, ságadoalli Sylvia Blind. Sámedikki ságadoalli Paulus Kuoljok ja Gonagas Carl XVI Gustaf doallaba sártni. Sámeskuvlla mánát lávlot gonagaslávlaga julevsámegillii. Sámisoga lávlaga lávlot Ella Pentha Päiviö, Brita Stina Sjaggo, Anna Nutti Wiandt, Valborg Mangs Märak, Marit Kuhmunen ja Sara-Elvira Kuhmunen.  
     
  • Dii. 13:35 Ruoŧa biibbalvuođđudusa váldočálli Anders Göranzon geige ođđajorgaluvvon davvisámegiel biibbala gonagassii. Ingrid Inga, Ruoŧa girku Sámi ráđi ságadoalli Ingrid Inga lohká moadde biibbalvearssa davvisámegillii. Hannes Suopanki Lakso loahpaha prográmma lávlagiin. Loga eanet biibbaljorgalusa birra
     
  • Dii. 13:40-14:20 Vázzit márkanis
     
  • Su dii. 14:20 Gonagasbárra oažžuba heargesáhtu gođiid rájes Gáitunvistti buohta. Helena Länta, Per-Oddvar Hansen, Risten Gaup-Eira ja Siri Länta leat vuordime herggiiguin.

    Heargesáhttu manná Storgatan mielde rondealla rádjái, ja dasto Lappastadenii Sirggesgáhta rádjái gos gonagasfárru beassá oaidnit bohccuid.
     
  • Dii. 14:35 Sanna Vannar ja Sunna Sigga Kuoljok Lind duostuba gussiid iežaska boazobeatnagiiguin Skajddiin, Sappiin ja Seldain. Soai muitaleaba boazodoalu ja reainnideami birra. 
     
  • Dii. 15:20 Galledit Sámij Åhpadusguovddáža.
     
  • Dii. 15:30 Geahčadit ohppiid čájáhusa. Rektor Britt-Inger Tuorda ja bargit ja nuppi jagi oahppit váldet vuostá gonagasfáru.
     
  • Dii. 16:20 Dasto Ájtte sámi duottarmuseii.
     
  • Dii. 16:25 Gonagasbárra deaivvadeaba jagi 2020 Asa Kitok-stipendiáhtain (namma almmuhuvvo dán beaivvi) boares girjerádjosis.
     
  • Kl. 16:35 Gonagasbárra deaivvadeaba sámi nissonentreprenevrraiguin: Solveig Labba, Leila Nutti, Lisa Gaelok ja Torild Labba.
     
  • Kl. 17:00 Museahoavda Elisabeth Pirak Kuoljok ja intendeanta Sunna Kuoljok oahpisteaba museas ja čájeheaba ođđa čájáhusa Duodje.
     
  • Kl. 17:40 Vuolgin
     

Váldde oktavuođa:
Malin Andersson, Norrbottena leana Leanastivrra gulahallanolmmoš,
tel. 010-225 53 19
malin.a.andersson@lansstyrelsen.se

© Sametinget 2020
Uppdaterad: 2020-02-04

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON / KIRUNA
Besök: Adolf Hedinsvägen 58
Tel 0980-780 30, Fax 0980-780 31
E-post kansli@sametinget.se

Kontaktformulär 
Så här behandlar vi dina personuppgifter

Öppettider:
Mån-Fre 08:30-12:00 p g a corona
Sommartid:
Mån-Fre 08:30-12:00

MenyPress
MenyPress
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?