Biergočuohppangurse
Háliidat go oahppat eambbo biergomárferáhkadeami ja biergočuohppama birra? Dál beasat oahppat viđalágán biergobuvtta-čuohppama min duiska biergočuohppičeahpis Sven Lindaueris. Sáhtát dál juo ilmmuhit gursii maid lágidit Sámedikki gealboloktenprošeavtta čađa Báikegoddeprográmma vehkiin ja ovttasráđiid Eldrimneriin.
Báiki: Eldrimner Ås Jämtlánddas
Beaivi: guovvamánu 10-14 beivviid 2020
Álgit guovvamánu 10 beaivvi dii. 08.30, ja geargat guovvamánu 14 beaivvi dii. 12.00.
Gurseáiggit: Mánnodagas duorastahkii dii. 08.30 – 17.00. Bearjadaga dii. 08.30 – 12.00.
Gursedivat: 1 563 kr oktan momssain
Mávsse gursedivada BG-nummarii 5178-6697. Merke mávssu ”Grundutbildning för charkuterister” ja bija objeaktanr. 2764. Ilmmuheapmi geatnegahttá boahtit, ja oasseváldi galgá leat ilmmuhuvvon ovdal ođđajagimánu 1 beaivvi 2020. Dalle fertet maid leat máksán gursedivada vai oaččut sihkkarit saji gursii.
Oasseváldiid lohku ráddjejuvvo!
Ilmmuheapmi ja jearaldagat
Jus leat jearaldagat, de váldde oktavuođa Kjerstiniin e-boastta bokte kjerstin.valkeapaa@sametinget.se dahje telefovnna bokte 0980-780 53.
Gursesisdoallu
Gursses beassá oahppat got ráhkada biergomárffiid, vuoivvasmárffiid, salami ja vuššon ja goikaduvvon biergobuktagiid čorgadis ja buori buvttadanvugiin, vuhtii váldit borramušsihkarvuođa ja dovdat kemihkalaš proseassaid buktagiid ráhkadettiin.
Ulbmil gurssiin lea ahte don ieš oahpat buvttadit ja oaččut fuomášumiid got ráhkada buriid ja dearvvašlaš biergobuktagiid. Praktihkalaš oahppodiimmuin lea oahpahus eŋgelasgillii.
Borran
Beaiveborramuša sáhttá oastit Torstas, 5 minuvtta vázzit dahje Fröjas Kaféas mii lea Eldrimner lahka. Eldrimner boradanlanjas gávdno mikro. Gáfestallan lea mákson gursedivdaiin.
Mátke- ja orruntipsat: https://www.eldrimner.com/om-eldrimner/31893.hitta_till_oss.html
