måndag 9 december 2019

Gulahallančoahkkin dásseárvvu birra

Ođđajagimánu 15-16 beivviid 2020 doallat mii gulahallančoahkkima Julevus mas fáddán lea dásseárvu sámi servodagas. Dohko háliidit bovdet sámi organisašuvnnaid ja servviid, čearuid ja iežá sámiid geat beroštit dásseárvoáššiin.

Dát čoahkkin lea oassin dan prošeavttas mainna ráđđehus lea gohččon Sámedikki kártet dásseárvvu sámi servodagas. Čoahkkima ulbmil lea dialoga bokte kártet prošeaktafáttá vai gávnnahit gokko váilu máhttu ja gokko lea dárbu ovdánahttit.

Gulahallama vuolggasadjin leat dát jearaldagat:

  • Makkár lea otná sámi nisu?  

- Maid son dahká? Manin?
- Maid son ii daga? Manin?
- Makkár lea su lagas biras – olbmot, orrun (geográfalaččat, sosiálalaččat)
- Got son veadjá? Manin?

  • Makkár lea otná sámi dievdu?

- Maid son dahká? Manin?
- Maid son ii daga? Manin?
- Makkár lea su lagas biras – olbmot, orrun (geográfalaččat, sosiálalaččat)
- Got son veadjá? Manin?

  • Mii lea sámi dásseárvu juste dál?  

- Got defineret mii sámi dásseárvvu? Manin?
- Lea go sámi servodat dásseárvosaš servodat?
- Mii lea dat mii eastada dásseárvvu sámi servodagas?
- Makkár ovdamunit leat sámi servodagas jus jurddaša dásseárvoperspektiivvas?

 

Áigi: 15/1 – 16/1 2020

Gos: Clarion Hotel Sense, Skeppsbrogatan 34, Luleå

Oasseváldit: Dát čoahkkin lea sámi organisašuvnnaid ja servviid, čearuid, ja iežá sámiid várás geain lea beroštupmi dásseárvoáššiin.

Prográmma: Geahča olgeš bealde

Mátkegolut: Sámediggi máksá dáid goluid (muhto ii masson beaivedietnasa):

Konferánsagoluid oktan beaiveborramušain ja mállásiiguin guoimmuhemiin ja gáfe goappaš beivviid.

Orruma duppallanjas maid leat juo diŋgon Clarion Hotel Sense:s. Jus háliidat aktolanja, de ferte máksit liigegolu ieš.

Mátki Julevui ja ruoktot. Juohkehaš diŋgo mátkki ieš Nex Resebyråas, tel. 0980- 836 40, maŋŋelgo leat vuos ilmmuhan iežat ja ožžon duođaštusa. Atte Sámedikki nama, bija Ulrika Hannu referánsa, ja objeaktanummara 2700. Vádjol hálbbimus láhkái. Jus biillain vánddardat de galget eanebut leat ovttas.

 

Ilmmuheapmi:

Don ilmmuhat iežat ovdal juovlamánu 15 beaivvi dán liŋkkas.  Ilmmuheapmi lea ovtta olbmui juohke organisašuvnnas. Jus eanebut seamma organisašuvnnas dáhttot searvat, de lea vejolaš čálihit iežas vuordinlistui ja de lea doaivva beassat searvat jus lea muhtun gii ii šatta vuolgit. Čális jus leat biepmut maid it gierdda ja iežat giellajoavkku.

https://www.trippus.net/dialogmotesametinget
 

Leat go jearaldagat?

Váldde oktavuođa Ulrika Hannuin, ulrika.hannu@sametinget.se telefon 0980-780 43 dialogačoahkkima birra ja jus áiggut ilmmuhit iežat vuordinlistui

© Sametinget 2019
Uppdaterad: 2019-12-06

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON / KIRUNA
Besök: Adolf Hedinsvägen 58
Tel 0980-780 30, Fax 0980-780 31
E-post kansli@sametinget.se

Kontaktformulär 
Så här behandlar vi dina personuppgifter

Öppettider:
Mån-Fre 08:30-12:00, 13:00-16:00
Sommartid:
Mån-Fre 08:30-12:00

MenySametinget
MenySametinget
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?