Giellaseminára Julevus skábmamánu 12-14 b.
Sámediggi bovde giellabargiid, čearuid ovddasteddjiid, sámi servviid, organisašuvnnaid, bellodagaid ja iežá giellaberošteddjiid seminárii sámi gielaid dárbbuid birra, Hotell Savoyas Julevus skábmamánu 12-14 beivviid 2019.
Ulbmil
Álgoálbmotgiellajagis 2019:s vuoruha Sámediggi eareliiggánit sámi gielaid ovdánahttima, ja áigu giellajoavkkuid dárbbuid kártemiiguin háhkat vuođu Sámedikki boahttevaš giellapolitihkalaš bargguide. Okta dáin áŋgiruššamiin lea lágidit ”Seminára sámi gielaid dárbbuid birra”, mas iešguđet gielaid dálá dilli ja dárbbut kártejuvvojit. Seminára boađusin galgá šaddat dokumeanta mas davvi-, julev-, bihtán-, upmi- ja oarjánsámi giellajoavkkut čilgejit gielladilálašvuođa ja buktet oainnuid gielaid dárbbuid ja vuoruhemiid birra.
Čađaheapmi
Semináras juohkit oasseváldiid davvi-, julev-, bihtán-, upmi- ja oarjánsámi giellajoavkkuide mas guhtege joavku galgá kártet iežas giela dálá dili ja dárbbuid. Juohke giellajoavkkus lea sierra koordináhtor guhte ráhkkanahttá digaštallandieđuid man vuođul joavkkut barget.
Golut/mátkkit
Sámediggi máksá čuovvovaš goluid giellabargiide ja guovtti (2) ovddasteaddjái, ja sudnos galgá nubbi leat nuoraid ovddasteaddji (18-25 jagi). Sámediggi ávžžuha ahte oasseváldit leaba goabbat sohkabealis.
- Konferánsagolut, namalassii beaiveborramuš, gáfestallan, mállásat ja idjadeapmi.
- Lanjat leat ovdalgihtii diŋgojuvvon konferánsahoteallas Savoyas. Jus dárbbašat lanja eahkeda ovdal juo, de válddát oktavuođa Sylvia Sparrokain dahje Ingegerd Vannariin.
- Mátki Julevui ja ruoktot. Juohkehaš diŋgo ieš iežas mátkki Nex Resebyrå bokte, tel. 0980- 836 40, maŋŋelgo leat ilmmuhan ja ožžon duođaštuvvot iežat oassálastima. Diŋgojupmái bijat referánsan Ingegerd Vannar ja objeaktanummara 2297. Vánddar hálbbimus lági mielde.
- Biillain vánddardit fárrolaga. Láigobiilla diŋgot vuosttažettiin Hertz, Sixts dahje Europcar fitnodagain.
Báiki: Hotell Savoy, Storgatan 59, Luleå 0920-195 00
Áigi: skábmamánu 12-14 beivviid 2019, álgin dii. 12.00 skábmamánu 12 beaivvi.
Ilmmut ovdal golggotmánu 27 beaivvi: Länk till anmälan
Čále dieđu jus dárbbašat spesiálabiepmu ja guđe giellajovkui gulat.
Dieđuid addiba Sylvia Sparrock 063-15 08 56, 070 646 63 99 dahje Ingegerd Vannar 0980 – 780 29, 070 298 26 761.
Buresboahtin/ Buorisboahtem/ Burist båhtem/ Buerestbåhtieme/ Buerie båeteme/ Välkommen!
