måndag 19 augusti 2019

Máhcahanseremoniija Likšus/Liksjoes borgemánu 9 beaivvi

Álgoálbmotbeaivvi borgemánu 9 beaivvi galget 25 sámi olbmo bázahusat ođđasis hávdáduvvot iežaset álgo vuoiŋŋadanbáikái, namalassii Likšu/Liksjoe boares girkogárdái. Dát lea dássožii stuorimus máhcahandáhpáhus Ruoŧas, ja dat duođai čalmmustahttá Ruoŧa rasisttalaš historjjá.

Likšu boares hávdeeana lei anus 1600- ja 1700-logus. Visot sámit Ubmieanu, Vyöddaleeanu ja Ångermaneanu guovllus galge hávdáduvvot Likšu girkogárdái. 1950-51 geasi rahpe arkeologat hávddiid ja rogge bajás hávdáduvvon olbmuid bázahusaid ja sáddejedje daid dutkiide. Västerbotten museas lei ovddasvástádus dán barggus, ja ulbmilin lei dušše dat ahte galge gávnnahit gokko boares hávdeeana duođai lei vai dan nala eai hukse ođđa visttiid.

Muhto dát hávderahpamat bokte dutkiid beroštumi, earet iežá etnologa Ernst Manker Nordiska Museas Stockholmmas, Bertil Lundman Uppsala nállebiologalaš instituhtas, ja Nils-Gustaf Gejvall guhte lei Historjjálaš musea osteologahoavda, ja ulbmil dán barggus rievddai oalát. Olbmuid bázahusat sáddejuvvojedje Historjjálaš museii dutkamii, ja šiehtadus lei ahte dat galge dan maŋŋel sáddejuvvot ruovttoluotta. Vaikko dalá antikvára Västerbotten museas máŋgii gáibidii bázahusaid ruovttoluotta de eai ožžon daid.

Dološ reivviin ja iežá čállosiin vuohttá rasisttalaš jurdagiid dutkiin, ja beroštupmin sis orui leame ahte dutkat ledje go dát sámi olbmuid bázahusat vai eai. Gejvall dáhtui doalahit bázahusaid, ja dat lea várra okta ágga dasa ahte eai sáddejuvvon ruoktot nu movt álggos lei sohppon.

Dát ášši healbbai gitta 2013 rádjái go Västerbotten musea oaččui dákteriggeosiid Stáhta Historjjálaš museas. Leanamusea válddii de oktavuođa Líksjuon Sámiensiäbrriein (Lycksele sameförening) Gullan dihte mii sámiid dáhttu lei bázahusaiguin. Líksjuon Sámiensiäbrrie gáibidii dakkaviđe bázahusaid máhcahuvvot ruoktot.

Álgoálbmotbeaivvi, borgemánu 9 beaivvi galget bázahusat máhcahuvvot Likšu boares márkana hávdeeatnamii gos dat leat leamaš váldon eret. Vai seremoniija ja meanut šattaše allaáiggálažžan de lea Líksjuon Sámiensiäbrrie ovttas Ruoŧa Girkuin ovttasbargan ráhkkanemiiguin.

–Midjiide čuohcá sakka dat got jápmán olbmuiguin meannudit. Go gudnejahttit jápmán olbmuid, de mii čájehit árvvusatnima ja ahte olbmo rupmaša ii galgga gutnehuhttit. Mii leat ilus go dát olbmot galget fas beassat máhccat ruovttueatnamii iežaset lagas olbmuid lusa, lohká Mikael Jakobsson, Líksjuon Sámiensiäbrrie ságadoalli.

Líksjuon Sámiensiäbrrie miellahtut lea digaštallan got dát máhcaheapmi galggalii dáhpáhuvvat. Vuorraset miellahtut dáhttot ahte bázahusaid galggale gokčot bessiin go dan leat dološ áiggi leamaš dahkan. Lea maiddái jearaldat leatgo buohkat dáin olbmuin leamaš kristtálaččat. Lea olu maid ferte vuhtii váldit. Girku ovddasteaddjit ja Líksjuon Sámiensiäbrrie leat dattege soahpan ahte máhcahanmeanut eai galgga čuovvut duššefal kristtalaš vieru. 

Lassin máhcaheapmái ja máhcahanseremoniijii, de lea leamaš olu diehtojuohkinbargu dán dáhpáhusa birra. Proseassa váldoáigumuš lea soabadeapmi.

– Lea sáhka olbmuid ovttaárvosašvuođas, ja leat ain áššit maid mii fertet čielggadit. Sihke Likšu gielda ja Ruoŧa girku leat lágidan semináraid, ságastallamiid, dialogaid ja oahppodilálašvuođaid dáin áššiid, lohká Ingela Gotthardsson, Likšu gielddahoavda.

 

Váldde oktavuođa: 

Líksjuon Sámiensiäbrrie: Mikael Jakobsson, ságadoalli, 070-514 61 40, mikael.jakobsson@lycksele.se

Svenska kyrkan, Södra Lapplands pastorat: Helén Lundberg, báhppa, 0950-276 71, helen.lundberg@svenskakyrkan.se

Västerbottens museum: Jans Heinerud, ossodathoavda, kulturbiras, 070-204 22 77, jans.heinerud@vbm.se

Sámediggi: Susanne Idivuoma, kulturossodaga hoavda, 0980-780 48, susanne.idivuoma@sametinget.se

Lycksele kommun: Ingela Gotthardsson, gielddahoavda, 070-666 28 42, ingela.gotthardsson@lycksele.se

© Sametinget 2019
Uppdaterad: 2019-08-15

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON / KIRUNA
Besök: Adolf Hedinsvägen 58
Tel 0980-780 30, Fax 0980-780 31
E-post kansli@sametinget.se

Kontaktformulär 
Så här behandlar vi dina personuppgifter

Öppettider:
Mån-Fre 08:30-12:00, 13:00-16:00
Sommartid:
Mån-Fre 08:30-12:00

 

MenyKultur
MenyKultur
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?