torsdag 19 september 2019

Sámediggi háliida váldit badjelasás sámi kulturárbbi

Sámediggi ja Giella- ja álbmotmuitoinstituhtta (ISOF) leat ovddidan oktasaš dieđáhusa kulturdepartementii das got sámi arkiivadieđuid galgá čohkket, vuorkut ja dieđalaččat geavahit. Sámedikki oaidnu lea ahte sámit ieža galget hálddašit iežaset kulturárbbi ja danin galggalii Sámedikki bargogohčus viiddiduvvot.

Lihkus lea sámi servodat maiddái čájehan beroštumi ja buktán oaiviliid sihke njálmmálaš ráđđádallamiin ja čálalaččat. Dain boahtá ovdan ahte lea stuora dárbu vuođđudit ollislaš sámi arkiivva. Sámiide lea dehálaš eambbo čohkket sámi arkiivaávdnasiid ja beassat daid geavahit.

Sámi organisašuvnnat dovddahit dárbbu oažžut rávvagiid ja bagadallama vai eambbo ohppet makkár ávdnasiid lea dehálaš addit arkiivvaide. Oaidnu lea ahte lea dehálaš juogadit sámi máhtu álbmogiin gean kultuvra lea vuođđun dáidda arkiivadieđuide. Go digitalisere dieđuid de olahit eanebut dan máhttočoakkáldaga mii gávdno, muhto de čuožžila maid dárbu ehtalaš njuolggadusaide ja lea dárbu suddjet boasttugeavaheami ja kommersialiserema vuostá.

Oaiviliin boahtá maiddái ovdan ahte Sámedikkis berre leat ollislaš hálddašanovddasvástádus sámi arkiivačoakkáldagas. Lea maid mávssolaš nannet sámi ásahusaid main juo gávdnojit arkiivvat dego Ájtte museas, ja ahte dáidda bargguide lasiha resurssaid. Sámi ásahusat dego Gaaltije ja iežá boahttevaš sámi diehtojuohkinguovddážat, sáhttet doaibmat sámi arkiivva veahkkedoaibman.

- Sámedikki oaidnu lea ahte sámit ieža galget hálddašit iežaset kulturárbbi, iežaset álbmotválljenorgána bokte. Doarjjan dán oidnui lea álgoálbmotriekti, lohká Sámedikki stivraságadoalli Per-Olof Nutti. Got mii dan čađahit fertet guorahallat dárkileappot, oaivvilda Nutti. 

Sámediggi evttoha ahte ráđđehus gohčču Sámedikki čohkket, vurkkodit ja dieđalaččat gieđahallat, ja juohkit máhtuid ja materiála sámi giela ja sámi suopmaniid, álbmotmuittuid, álbmotmusihka ja namaid birra Ruoŧas, ja ahte dát nannejuvvo Sámedikki bargogohččosis.

- Mii fertet hukset sámi hálddašeami ja infrastruktuvrra musea- ja arkiivasuorggis, dadjá Sámedikki stivraságadoalli Per-Olof Nutti. Dat gávdno juo Suomas ja Norggas muhto ii Ruoŧas.

Giella- ja álbmotmuitoinstituhtta ii guorras Sámedikki oaivilii muhto dáhttu ahte ISOF ain guoddá dán ovddasvástádusa. ISOF evttoha baicca ahte ráđđehus čielggasmahttá stáhta ovddasvástádusa sámi kulturárbbis, ja juolluda Sámediggái resurssaid hukset eiseváldái arkiivagelbbolašvuođa. Dan sivas go eiseválddiin lea goabbat oaidnu áššis, de leaba maid čilgen oainnuid ja evttohusaid sierra dán dieđáhusas.

© Sametinget 2019
Uppdaterad: 2019-08-02

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON / KIRUNA
Besök: Adolf Hedinsvägen 58
Tel 0980-780 30, Fax 0980-780 31
E-post kansli@sametinget.se

Kontaktformulär 
Så här behandlar vi dina personuppgifter

Öppettider:
Mån-Fre 08:30-12:00, 13:00-16:00
Sommartid:
Mån-Fre 08:30-12:00

MenyPress
MenyPress
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?