torsdag 21 mars 2019

Digitála sátnegirji ja sátnegirje-áppa

Dál šaddet Sámedikki sátnegirje-áppii ja neahttasátnegirjái golbma giela ja áibbas ođđa funkšuvnnat. Ođđa áppa ja neahttasátnegirji leat ođasteamit dan sátnegirjjis mii lea Sámedikki ruovttusiiddus leamaš badjel logi jagi ja mii lea gávdnon áppa-hámis vihtta jagi.

Digitála sátnegirjái mii ovdal lei dušše julevsámegillii ja oarjánsámegillii, lea dál maiddái lasihuvvon Mikael Svonni davvisámegiel sátnegirji.

- Mii leat hui ilus ja rámis go dál sáhttit fállat sátnelisttu davvisámegillii maid. Leat nu vuordán dán! Dál sáhttet vel eanebut oažžut ávkki sátnegirje-áppas, lohká Lars Miguel Utsi, Sámedikki giellalávdegotti ságadoalli.

Dán ovdánahttinbarggus leat deattuhan ođđa digitála teknihka vai geavaheddjiide šaddá álki geavahit visot gielaid dán sátnelisttus. Ođđa funkšuvnnat álkidahttet sániid oahppama ja muitima.

Dál sáhttá juohkehaš ráhkadit iežas sátnelisttu mii lea ávkkálaš giellageavaheaddjái dahje oahpaheaddjái gii háliida ráhkadit omd. glosalisttu dege fáddásátnelisttu iežas ohppiide.

- Mii loktet sátnegirje-áppa vel badjelit dássái go dál sáhttit sirret sániid sierra listtuide ja juogadit daid nuppiiguin. Dat lea áibbas ođđa sátnegirje-geavahanvuohki, lohká Anders Östergren Njajta, Sámi giellaguovddáža giellakonsuleanta.

Dát áppa lea áidna áppa mas leat eanet sámegielat oktan jorgalusaiguin. Geavaheaddji sáhttá maid válljet guđe gillii áppa dieđut galget leat.

Áppa doaibmá offline ja lea nuvttá.

- Go sátnegirjjit leat eambbo olámuttus de ožžot eanet sámit vejolašvuođa oahppat sámegiela, ja dat lea okta Sámedikki giellabarggu ulbmiliin.

Sátnegirji almmuhuvvo ON álgoálbmotgiellajagi oktavuođas, IYIL2019 sámi vahkku doaluin Ubmejen Biejvieh Upmis.

Goas? Distaga njukčamánu 5 beaivvi dii. 11-12
Gos? Västerbottens museum, Ubmi

 

Váldde oktavuođa:

Anders Östergren Njajta, Sámi giellaguovddáža giellakonsuleanta
070-5984009, anders.ostergren@sametinget.se

Lars Miguel Utsi, Sámedikki giellalávdegotti ságadoalli
070-349 29 68, larsmiguel.utsi@sametinget.se

 

© Sametinget 2019
Uppdaterad: 2019-03-05

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON/KIRUNA
Besök: Adolf Hedinsvägen 58
Tel 0980-780 30, Fax 0980-780 31
E-post kansli@sametinget.se

Kontaktformulär 
Så här behandlar vi dina personuppgifter

Öppettider:
Mån-Fre 08:30-12:00, 13:00-16:00
Sommartid:
Mån-Fre 08:30-12:00

 

MenySpråk
MenySpråk
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?