tisdag 19 mars 2024

Nuoraidáššit dievasčoahkkimis

Dievasčoahkkimis Gåbddesavvonis doalai Sámedikki nuoraidráđđi jearahallama Sámedikki politihkkáriiguin. Nuoraidráđđi háledii diehtit got stivra, lávdegottit ja bellodagat barget nuoraidáššiiguin ja got sii áigot geasuhit nuoraid politihkalaš bargguide.

Nuoraidráđi ságadoalli Anja Fjellgren Walkeapää jođihii jearahallanbottu. Nuppit nuorat ledje Paulus Jonsson, Nadja Östergren ja Elle Eriksson.

Bellodatovddasteaddjit ledje ovttaoaivilis ahte nuoraidráđi jearaldagat oalgguhit sin duođas bargagoahtit nuoraidáššiiguin. Man olu návccaid nuoraidáššiide bidjet vuolgá das man stuoris bellodat lea. Sámiid Riikkabellodagas lea nuoraidjuogus ja das lei ovddit válggain sierra nuoraidlistu, muhto unnit bellodagain eai leat dakkár vejolašvuođat. Ronny Svarto Álbmotjienastanbellodagas bovdii nuoraid iežás oapmedállui vai oahpaše praktihkalaš árbevirolaš máhtuid. Jan Rannerud ges lei vásihan ahte nuoraid beroštupmi politihkkii ii badján duođas ovdal de go leat deavdán 18 jagi.

Stivraságadoalli Per-Olof Nutti dovddastii ahte stivra ii ánssášan rámi go lea sáhka nuoraidráđi searvadahttimis. Muhto son cuigii ahte lávdegottiide lea álkit addit nuoraidráđđái vejolašvuođa ovddidit oainnuidis áššiin mat gusket nuoraide.

Marita Stinnerbom lohpidii boazodoallolávdegotti ságadoallin loktet nuoraidáššiid ja atnit nuoraidráđi ráđđeaddin. Su mielas leat nuorat dehálaččat boahtteáiggi politihkas. Eanas áššit maiguin boazodoallolávdegoddi bargá leat boahtteáiggi áššit ja danin dat leat hui guovddážis nuoraid dilis, omd. dálkkádatrievdamat, meahceeallepolitihkka, dásseárvu, árbediehtu j.ea.

Ingrid Inga, kulturlávdegotti ságadoalli namuhii ahte kulturpolitihkalaš doaibmaplána joksosat maiddái gusket mánáide ja nuoraide. Okta dain joksosiin čujuha ON mánáidkonvenšuvdnii. Son evttohii doallat dialogačoahkkima nuoraidráđiin seammaláhkái go dollet dialogačoahkkimiid sámi servviiguin ja organisašuvnnaiguin.

Dialogačoahkkin nuoraidráđiin lei ráva maid eanebut čuovvoledje. Lars Miguel Utsi dovddastii ahte ii lean doarvái bures searvadahttán nuoraidráđi giellalávdegotti áššiin, ja fuomášii ahte ráđđádallan nuoraidráđiin livččii buorre, eareliiggánit daningo njeallje joksosa giellapolitihkalaš doaibmaplánas gusket nuoraide.

Maiddái ealáhuslávdegotti ságadoalli Stefan Mikaelsson anii dialogačoahkkima nuoraidráđiin hirbmat buorren jurddan. 2019:s doallá ealáhuslávdegoddi ealáhuskonferánssa ja dohko sávvá nuoraid searvat.

Áidna lávdegoddi mii lea aktiivvalaččat ovttasbargan nuoraidráđiin lea válgalávdegoddi. Mari-Louise Boman rámidii nuoraidráđi barggu ja áŋgiruššama das ahte oaččuhit eanet nuoraid ilmmuhit jienastuslohkui ja válggaide. Nuoraidráđđi lea ee. oassálastán iešguđet nuoraiddáhpáhusain gos leat hástán nuoraid čálihit iežaset jienastuslohkui, ja ovdal válggaid ráhkadedje oanehis filmmažiid maid bidje sosiála mediaide.

Anja Fjellgren giittii buohkaid buriid evttohusaid ja jurdagiid ovddas maiguin nuoraidráđđi beassá joatkit bargat. Politihkkárat čájehe stuora beroštumi ja nuoraidráđđi oažžu vissásit eanet váikkuhanvejolašvuođaid boahtteáiggis!

Visar sidorna 41 till 60 ( av 218 )
© Sametinget 2024
Uppdaterad: 2018-11-16

Váldde oktavuođa

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

VISSELBLÅSARFUNKTION

E-FAKTURA

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90
981 22 GIRON / KIRUNA

Vid rekommenderad post använd adressen ovan!

Besöksadress: Adolf Hedinsvägen 58
Tel. 0980-780 30
E-post: kansli@sametinget.se
Org.nummer: 202100-4573

Kontaktformulär 
Så här behandlar vi dina personuppgifter

Tillgänglighetsredogörelse

Öppettider:
Mån-Fre 08.30-12.00, 13.00-15.00
Kring storhelger och under sommaren:
Mån-Fre 08.30-12.00

MenyPress
MenyPress
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?