onsdag 19 september 2018

Dásseárvu ja #metoo dehálaččat Sámediggái

#metoo oažžu ain stuora fuomášumi. Diibmá beaggigođii metoo-lihkadus ja das lea ain olu sáhka servodagas. Seksuála givssideapmi ja veahkaválddálašvuohta lea áigeguovdil maiddái Sámi. Dát lea fáddá maid Sámedikki váldá hui duođas.

- Dievdoolbmuid illasteapmi nissonolbmuin lea dásseárvo-váttisvuohtan miehtá máilmmi, lohká Sámedikki stivraságadoalli Per-Olof Nutti. Nu lea dađi bahábui maiddái sámi servodagas. Mii oaidnit ahte mii fertet juoidá dahkat vai loktet máhtu dáid áššiid birra ja vai buoridit dili sámi nissoolbmuide.

Áigeguovdilis ášši
- Mii jáhkkit ieža ahte mis lea dásseárvu. Muhto eat mii sáhte suddjet illasteddjiid ja jorgalit sealggi sidjiide geat dustet muitalit iežaset vásihan veahkaválddálašvuođa ja seksuála illasteami. Dát áššit eai leat goasse ovdal leamaš ná albmosis, ja mii oaidnit ahte min lea bággu bargat garraseappot dáiguin áššiiguin, lohká Marita Stinnerbom, Sámedikki stivralahttu.

- Servodat gos nissonolbmot vealahuvvojit ja dulbmojuvvojit ii leat dearvvaš ovdáneaddji servodat. Mii eat sáhte geahččat nuppe guvlui go dáhpáhuvvet seksuála illasteamit, rihkkumat ja veahkaváldi. Sámi nissonat geat dustet muitalit maid sii leat vásihan dárbbašit dovdat ahte mii jáhkkit sidjiide ja ahte sii ožžot veahki, čilge Per-Olof Nutti.

Dárbbašit doaimmaid sihke nissonolbmuid ja dievdoolbmuid várás
Olu dievdoolbmot eai oainne dáid váttisvuođaid eai ge beroš dain. Lea čielga rehket ahte maiddái dievdoolbmot dárbbašit veahki. Mii fertet buohkat reageret go oaidnit dege gullat oainnuid ja guottuid mat eai leat dohkálaččat. Jus duođai galgat nahkat rievdadit sámi servodaga de fertet mii sáhttit rahpasit humadit dáid áššiid birra ja mii fertet oahppat eambbo dáin áššiin. Danin dárbbašit sierra áŋgiruššamiid maid.

Sámedikki stivra lea mielas nuoraidorganisašuvnnaid Saminuora ja Niejda searvvi áigumuššii bovdet Sámedikki lahtuid oahpposeminárii. Lea riekta ahte mii dárbbašit guldalit ja šaddat eambbo diđolažžan go bargat dásseárvvuin Sámis.

Konkrehta doaimmaid plánen
Sámedikki stivra lea duvle deaivan kultur- ja demokratiijaministara Alica Bah Kuhnke ja lokten jurá juste dásseárvoáššiid. Dál mii plánet konkrehta doaibmabijuid.

- Sámedikkis lea dásseárvoprográmma maid stuora eanetlohku lea dorjon. Dál fertet bargagoahtit dan jelgii eat ge šat garvit daid váttisvuođaid mat mis duođai leat. Muhto dan mii fertet dahkat ovttas ja buoredáhtolašvuođain, loahpaha Per-Olof Nutti.

Váldde oktavuođa:

Per-Olof Nutti, stivraságadoalli
Tel. 070-376 31 12

© Sametinget 2018
Uppdaterad: 2018-06-18

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON/KIRUNA
Besök: Adolf Hedinsvägen 58
Tel 0980-780 30, Fax 0980-780 31
E-post kansli@sametinget.se

Kontaktformulär

Öppettider:
Mån-Fre 08:30-12:00, 13:00-16:00
Sommartid:
Mån-Fre 08:30-12:00

 

MenyPress
MenyPress
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?