Bohccot ja skohterjohtolat
Dáid dieđuid juhket Našuvnnalaš muohtaskohterráđđi. Dás oaččut rávvagiid got galggat čájehit várrogasvuođa ja fuola jus vuoját skohteriin doppe gos sáhttet leat bohccot.
Skohteriin lea álki beassat báikkiide gos eai leat iežá raŧit. Eanet ja eanet olbmot leat vánddardišgoahtán duoddariin vuoiŋŋasteami ja olgoeallima dihte. Muhto duoddarat eai leat ávdin guovllut. Dat lea bohccuid ruoktu. Giđđadálvvi johtá boazu vumiin duoddariidda guotteteatnamiidda.
Boazoeaiggádat šaddet áŋgirit guođohit bohccuideaset vai dat eai jorggit fas vuvddiide. Álddut leat hui hearkkit dáid muttuid. Danin fertejit muhtun guovllut giddejuvvot giđđat dasságo guottet lea nohkan. Muhtun hearkkes guovlluin šaddet bidjat skohtervuodjingildosiid.
Bohccuid fertet suddjet skohteriin máŋgga sivas:
- Danin vai álddut besset ráfis guohtut ovdalgo guoddigohtet ja maŋŋel loahppa cuoŋománu/miessemánus.
- Danin vai ealut eai bieđgan ovdalgo leat ollen duoddariidda.
- Danin go bohccot sáhttet leat heajos vuoimmis maŋŋel garra dálvvi.
- Danin vai bohccot galget beassat ráfis guohtut dálveláidumiin vuvddiin.
Jus skohtermáđija nalde leat čáhppes plastihkkaseahkat čadnon dihkáide, de leat dakko leamen bohccot. Vuoje áibbas várrogasat doppe!
