fredag 20 april 2018

Ingvar Kamprad - Eareliiggánis olmmoš ja duostilis entreprenevra

Ingvar Kamprad joatká doarjumis Norrlándda ealáhusovdánahttima vel maŋŋel iežas beivviid nai. Son lea testamenteren beali opmodagastis dáidda guovlluide. Dallego IKEA rabai gávppi Háhpáránddis de gáibidii Ingvar Kamprad ahte maiddái sámit galget leat oidnosis.

Testamenteren ealáhusdoaimmaide
Njukčamánu 18 beaivvi almmuhuvvui Ingvar Kamprad testameanta, ja oallugat hirpmahuvve dainna. Bealli su opmodagas galgá mannat Norrlándda ealáhusdoaimmaid ovdánahttimii. Ingvar Kamprad liikui Norrlándii ja dat dovdui hui čielgasit dallego IKEA rabai gávppi Háhpáránddis 2006:s. Rahpandilálašvuođas celkkii Ingvar Kamprad ahte juste gávpi galgá leat gávnnadanbáikin njealji álbmogii, ruoŧa, suoma, norgga ja sámi álbmogii. Lei gudnin sámiide go Kamprad gáibidii ahte sámi leavga galgá libardit ovttas ruoŧa, suoma ja norgga leavggaiguin gávpeviesu olggobealde.

- IKEA gávppi rahpandilálašvuođas guoimmuhii Sofia Jannok Kamprada ja su eamida Margareta, ja sámit dovde ahte soai čájeheigga sihke ipmárdusa ja gudnejahttima sin rahčamušaide ja sin ealáhusaide ja kultuvrii, oaivvilda Per Olof Nutti, Sámedikki stivraságadoalli.

Oahppomátkkis Sámis
Ingvar Kamprad lei eareliiggánis olmmoš ja entreprenevra guhte rasttildii rájiid ja lei stuora ovdagovvan. Borgemánus 2007:s lei son eamidiin Margaretain mátkkis Sámis oahppan dihte eambbo árbevirolaš sámi ealáhusaid ja sámi entreprenevradoaimma birra. Soai oahppalattaiga sámiid Jukkážis, Nihkkáluovttas ja Rostojávrris. Sudno lei Sámediggi bovden dohko.

- Dat mii lea báhcán muitui Ingvar Kamprad oahppaladdamis dáppe lei ahte son buorebut ipmirdii man dehálaš lea ovddidit sámi ealáhuseallima ja movttiidahttit sámi entreprenevradoaimma go dan maid gielddat, leanastivrrat ja stáhtaeiseválddit ipmirdit, muittaša Lars-Anders Baer guhte dalle lei stivraságadoalli ja oassálastti dán oahppomátkkis.

OECD-guorahallan álgoálbmogiid ja regionála ovdánahttima birra
- Dat guorahallan maid OECD dál dahká álgoálbmogiid dili birra ja got dat buorebut sáhttet fátmmastuvvot servodagas ja báikegoddeovddideamis, ee Ruoŧas, Kanadas, USA:s ja Peruas, dáidá vissásit duođaštit Kamprada oainnu ahte sámi ealáhusovdánahttima ja sámi entreprenevradoaimma ferte čalmmustahttit ja doarjut vai dat ieš birge boahtteáiggis, loahpaha Per-Olof Nutti, Sámedikki stivraságadoalli.

Per‐Olof Nutti
Sámedikki stivraságadoalli
070-376 31 12

© Sametinget 2018
Uppdaterad: 2018-03-22

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON/KIRUNA
Besök: Adolf Hedinsvägen 58
Tel 0980-780 30, Fax 0980-780 31
E-post kansli@sametinget.se

Kontaktformulär

Öppettider:
Mån-Fre 08:30-12:00, 13:00-16:00
Sommartid:
Mån-Fre 08:30-12:00

 

MenyPress
MenyPress
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?