söndag 19 november 2017
Kruvdnoprinseassa Victoria govvejuvvon Gironis Sámedikki rahpamis 2009. Govven: Marie Enoksson

Sámedikki rahpan-doalut Staares v. 35

Gaskavahkku borgemánu 30 b. lea Staares – Östersunddas Sámedikki čihččet doaibmaáigodaga rahpandilálašvuohta. Dohko bohtet guossit iešguđet guovlluin, ja maiddái okta sámi ovdavázziin; Lars Thomassen, 89 jagi, guhte logaldallá Sámedikki ásaheami birra 1992-1993.

Sámi álbmot lea miessemánu 21 b. válljen daid olbmuid geaid háliidit iežaset álbmotovddasteaddjin. Dál čoahkkanit dat 31 áirasa álggahit čihččet doaibmaáigodaga.

Kruvdnoprinseassa Victoria ja kultur- ja demokratiijaministtar Alice Bah Kuhnke boahtiba rahpamii. Dasto leat sullii 70 bovdejuvvon guossi, earet iežá ON nállevealahanlávdegotti (CERD) ságadoalli Anastasia Crickley, riikkabeaivelahtut, máŋggaid čearuid ja sámi organisašuvnnaid ovddasteaddjit, ambassadevrrat, leanahearrát ja gielddaráđit.

Sámi artisttat Tanja Nordfjell, Sara Ajnnak, Per-Erik Kuoljok ja Hanna Nutti guoimmuhit lávlumiin ja juoigamiin rahpandilálašvuođas. Sii leat ovdamearkan  sámi kultuvrra girjáivuođas, ja seaguhit árbevirolaš juoigama ođđaáigásaš sámi musihkain.

Gaskavahkku borgemánu 30 beaivvi rahpandilálašvuohta:

Gos: Mittuniversitetet, Aulan F214, Kunskapens v. 8


Áigi: Buohkat galget leat čohkkedan aulai maŋemusat dii. 09.45.

FUOM! Journalisttat geat dáhttot čuovvut rahpandilálašvuođa fertejit ilmmuhit dan ovdal disdaga dii. 16 min diehtojuohkkái Marie Enoksson marie.enoksson@sametinget.se dahje 0980-780 42. Muitte váldit mielde preassaduođaštusa.

Jus aula-latnja dievvá, de čájehit rahpandilálašvuođa videos nuppiin lanjain. Buohkat leat bures boahtin.

 

Dievasčoahkkin lea mánnodaga, disdaga – duorastaga ja bearjadaga:

Gos: Hotel Clarion Grand, Prästgatan


Seminára sámiid psykososiála dearvvašvuođa birra
Mánnodaga 28/8 dii. 13.00 -14.30 doallá psykologa ja dutki Jon Petter Stoor seminára sámiid psykososiála dearvvašvuođa birra Clarion Hotel Grandas.

Stivrra válljen
Vuođđudandievasčoahkkin álgá mánnodaga dii. 15.30 ja vuohččan válljejuvvo válgaválbmenjoavku. Disdaga leat ges visot válgaáššit. Dalle čielgá geat ođđa stivrii šaddet, ja gii šaddá ođđa stivraságadoallin ja sámediggeságadoallin.

Davviriikkalaš sámekonvenšuvdna
Ođđa dievasčoahkkin šaddá bargagoahtit ee. Davviriikkalaš sámekonvenšuvnnain mii lea evttohus maid Norgga, Ruoŧa ja Suoma ráđđehusat ovttas sámedikkiid ovddasteddjiiguin leat ráhkadan. Sámekonvenšuvdnaevttohus lea dál gulaskuddamis, ja sámedikkit dahket vuordimis mearrádusaid konvenšuvnna birra 2017 čavčča mielde. Duorastat borgemánu 31 b. lea várrejuvvon dán fáddái.

- Sámi álbmogii lea dehálaš ahte maiddái ruoŧa servodatovddasteaddjit leat guossin Sámedikki doaibmaáigodaga rahpamis. Mii illodallat vuolgit Staarii, ja earenoamáš suohtas lea go kruvdnoprinseassa maiddái boahtá rahpamii, lohká Stefan Mikaelsson.

- Sámi álbmoga kultuvra sisttisdoallá máŋggabealatvuođa, smávvadoallodoaimmaid ja dássedis resursageavaheami. Lea vuogas ahte Sámediggi adno riggodahkan ruoŧa servodahkii, ja ahte sámit lohkkojit ja gudnejahttojuvvojit sierra álbmogin. Eai mávssoleabbon go iežát muhto eai unnit mávssolažžan ge go iežát, loahpaha Stefan Mikaelsson.

Olles prográmma gávnnat kaleandaris ja áššebáhpiriid sáhtát viežžat www.sametinget.se/plenum

Váldde oktavuođa:

Stefan Mikaelsson, Sámedikki ságadoalli (čoahkkinjođiheaddji),
070-251 94 97
stefan.mikaelsson@sametinget.se
Twitter: Silponah

Marie Enoksson, diehtojuohkki ja preassagulahallanolmmoš dievasčoahkkimis,
0980-780 42
marie.enoksson@sametinget.se
Twitter: sametinget_sve

© Sametinget 2017
Uppdaterad: 2017-08-25

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90, 981 22 GIRON/KIRUNA
Besök: Adolf Hedinsvägen 58
Tel 0980-780 30, Fax 0980-780 31
E-post kansli@sametinget.se

Kontaktformulär

Öppettider:
Mån-Fre 08:30-12:00, 13:00-16:00
Sommartid:
Mån-Fre 08:30-12:00

 

MenyPress
MenyPress
På www.sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?