Almmuheamit ja háhkamat
Dán siiddus gávnnat Sámedikki almmuhemiid ja háhkamiid báikegoddeprográmma siskkobealde.
Almmuheapmi mearkkaša ahte Sámediggi iežas websiiddus muitala guđe suorggis ja guđe áigodagas organisašuvnnat, fitnodagat ja searvvit sáhttet ohcat guoskevaš doarjagiid.
Háhkan mearkkaša ahte Sámediggi háhká dahje oastá gálvvu dahje bálvalusa mii veahkkin deavdá ulbmiliid guoskevaš doarjaga ektui.
Vai buoremus lági mielde deavdit gilvoeavttuid ja vai oaivválaš vuogi mielde golahit vearroruđaid, de galget almmolaš eiseválddit čuovvut almmolaš háhkanlága (LOU) go háhket maidege doibmii. Dat mearkkaša ahte eiseváldi oastá, láigoha dahje iežaládje háhká gálvvuid, bálvalusaid dahje huksenbálvalusa. Válljen galgá leat gávpevuođustuvvon, ja eaktun válljemii galgá leat ahte son gii válljejuvvo lea fállan buoremus gálvvu dahje bálvalusa buoremus eavttuiguin.
Olgešbealde oainnát mat almmuheamit ja háhkamat leat áigeguovdilat.
