Sámi giellakampánja
Dál álgá Norgga ” Sámás muinna”-kampánja Ruoŧas. Dan kampánjjas leat sámi nuorat njunnožis ja sii bohtet geavahit sámegiela sosiála mediain. Čuovo kampánjja instagrámmas: @samasmuinna2 @samastamujna2 @samasthmujna2 @saemesthmunnjien2
Norggas lihkostuvai giellakampánja bures ja olu sámi nuorat čálligohte eambbo sámegillii, ja geavahedje sámegiela eambbo árgabeaidilis.
- Sámás muinna-kampánja doaimmai mis hui bures daningo ulbmiljoavkun ledje nuorat, lohká Aili Keskitalo, Norgga Sámedikki presideanta. Mii beasaimet dokumenteret nuoraid giellageavaheami, ja oinniimet maid ahte giellageavaheapmi sosiála mediain lassánii. Mis ledje hui čeahpes ja áŋgiris giellaambassadevrrat geat dahke giellaealáskahttima suohtasin! muitala Aili Keskitalo.
Sámi giellaguovddáš boahtá jođihit prošeavtta ovttas nuorra sámegielat giellaambassadevrraiguin. Prošeaktajođiheaddji lea Marit Kuhmunen Blom.
- Min mihttu kampánjjain lea ahte sámegielat oidnojit, gullojit ja geavahuvvojit eambbo nuoraid gaskkas. Mii hálidivččiimet ahte Zlatan nai oahppá ahte selfie sámegillii lea iežár, lohká Marit Kuhmunen Blom, guhte lea Sámás-kampánjja prošeaktajođiheaddji.
Sosiála mediain boahtit geavahit fáddágilkoriid #Sámásmuinna2 #Sámástamujna2 ja #Saemesthmunnjien2. Kampánjja ulbmiljoavku leat nuorat ja nuorra rávisolbmot. Ulbmilin lea čalmmustahttit sámegiela nu ahte dat eambbo oidno, ja vai dat dohkkehuvvo eambbo servodagas. Sámi nuorat galget leat govdadat iežaset gielain. Kampánja gávdno maid YouTubas ja Facebookas.
Instagram: Följ @samasmuinna2 @samastamujna2 @samasthmujna2 @saemesthmunnjien2.
Snapchat: gollegiella.
Eanet dieđut:
Marit Kuhmunen Blom, prošeaktajođiheaddji, 070-376 31 12, marit.kuhmunen.blom@sametinget.se
