Sámegiela, suomagiela ja meänkieli hálddašanguovlluin lea ovttaskas olbmos riekti geavahit ja ságastit dáid gielaid go váldá oktavuođa gielddain. Lea maiddái riekti oažžut ovdaskuvlaoahpahusa ja boarrásiiddivššu eatnigillii.

Gielddat ja eanandikkit/regiovnnat ožžot stáhtadoarjaga daid liigegoluid ovddas maid dát unnitloguriekti dagaha. Doarjja sáhttát gokčat gielladoarjundoaimmaid, girjjálašvuođa dahje oahppomateriála, sierralágán lágidemiid ja identitehtanannejeaddji doaimmaid. Lea maid dábálaš ahte stáhtadoarjja gokčá áššebuohtalastiid/koordináhtoriid bálkágoluid.

Árvvoštallan vuoseha ahte gielddat ja eanandikkit/regiovnnat organiserejit barggu našuvnnalaš unnitloguiguin iešguđetládje, ja leat stuora erohusat das got gielddat ja eanandikkit/regiovnnat geavahit stáhtadoarjaga. Ollusat leat váillahan čujuhusaid dasa got stáhtadoarjaga sáhtášii geavahit.

Danin lea Stockholmma Leanastivra ja Sámediggi dál hutkan čujuhusaid ja dárkunlisttu got identifiseret lassigoluid našuvnnalaš unnitloguid ja unnitlogugielaid láhkaásahusa jelgii. Evttohus ovddiduvvo kulturdepartementii ođđajagimánu 1 b.

Váldde oktavuođa:

Ellen Omma, Sámediggi
ellen.omma@sametinget.se
0980-780 37, 070-244 06 97

Helena Cronséll, Stockholmma leana Leanastivra
helena.cronsell@lansstyrelsen.se
010-223 15 17, 070-387 44 11