Govva: Marie Enoksson/Sámediggi.

Dievasčoahkkin

Sámedikki álbmotválljejuvvon orgán doallá dievasčoahkkima golbma geardde jagis. Áigeguovdilis áššit gávdnojit olgešspálttas sullii okta vahku ovdal čoahkkima.

Beavdegirjjit
Maŋemus dievasčoahkkinbeavdegirjjit gávdnojit dokumeantabáŋkkus. Beavdegirjjit gávdnojit sihke ruoŧa- ja sámegielas ja bidjojuvvojit ruovttusiidui dakkaviđe go leat vuolláičállojuvon.

Dievasčoahkkin
Sámedikki álbmotválljejuvvon searvegottis leat 31 lahtu geat leat válljejuvvon njealji jahkái. Mandáhtaáigodagas 2009-2013 leat gávcci sámepolitihkalaš bellodaga ovddastuvvon Sámedikkis. Dievasčoahkkin čoahkkána golbmii juohke jagi. Sámedikki dievasčoahkkin nammada maiddái lahtuid kulturráđđái, válgalávdegoddái, sámeskuvlastivrii ja eará vejolaš lávdegottiide.

Čoahkkinjođihangoddi
Dievasčoahkkin vállje čoahkkinjođihangotti, ovtta ságadoalli ja golbma várre ságadoalli. Ságadoalli jođiha ja válbme dievasčoahkkimiid. Sámedikki ságadoalli lea Stefan Mikaelsson.

Stivra
Dievasčoahkkin lea Sámedikki alimus mearrideaddji orgána mii maiddái nammada sámediggestivrra. Dálá stivrras leat vihtta lahtu.