Prošeaktadoarjja boazodoalu ovddideapmái
Dál sáhttet čearut ja sámi organisašuvnnat ohcat prošeaktadoarjaga Sámedikkis dakkár prošeavttaide mat juogaládje ovddidit boazodoalu.
Boazodoalloláhkaásahusa 35 b § (1993:384) jelgii sáhttá Sámedikki ealáhusossodat addit doarjaga doaimmaide mat ovddidit boazodoalu jus daidda gávdno ruhta.
Geat sáhttet ohcat?
Čearut ja sámi organisašuvnnat sáhttet ohcat doarjaga prošeavttaide.
Mii galgá leat mielde ohcamušas?
Ohcamušas galgá leat čielga prošeaktačilgehus mii muitala prošeavtta ulbmila ja áigumuša, áigeplána, doaimmaid ja budjeahta. Mis eai leat sierra skovit dáidda ohcamušaide. Muitte fal čállit oktavuođaolbmo nama, telefonnummara ja e-boastačujuhusa. Mii vuoruhit prošeavttaid mat leat ávkin nu ollusiidda go vejolaš.
Maŋemus ohcanbeaivi
Sádde ohcamuša Sámediggái/Sametinget, Kristina Hotti, Box 90, 981 22 Kiruna dehe e-boastan kansli@sametinget.se vai ohcamuš vissásit registrerejuvvo.