Giellagiehtagirji

Sámegiella lea otne dovddastuvvon almmolaš unnitlogugiellan Ruoŧas. Dakkáraš dovddastupmi lea lávki loktet giela statusa ja movttidahttit giela seailluheami . Sámegielat, mat gaskaneaset leat oalle earrelágánat, leat ruoŧa giellapolitihka geažil 1900-logus uhkiduvvon gielat. Jorggihahttit heajus giellaovdáneami gáibida ollu ja guhkilmas doaibmabidjosiid. Okta dain lea dát giellagiehtagirji maid Sámediggi lea ráhkadan.

Ulbmil
Ulbmil giellagiehtagirjjiin lea čalmmostahttit sámegiela ja lasihit giellagelbbolašvuođa bargiid gaskkas muhto maiddái lasihit olbmuid sámegiela geavaheami go váldet oktavuođa eiseválddiiguin.

Geahppasit veršuvdna
Giellagiehtagirji gávdno guovtti veršuvnnas. Aseheabbu lea geahppasit veršuvnna dan dokumeanttas mii lea geigejuvvon ráđđehussii.

Čujuhusolbmot
Hálddahushoavda Ulla Barruk Sunna lea jođihan barggu ja giellaáššedovdi Elli Sivi Näkkäläjärvi Utsi lea ovttasvástidan girjji sisdoalu.

Ovttasráđđádallančoahkkimat
Vihtta ovttasráđđádallančoahkkima leat dollojuvvon ovttasteddjiiguin Leanastivrras Norrbottenis (Hans Landberg), Dáhkádusgássas (Georg Strömbäck), Leanabargolávdegottis (Timo Mulk Pesonen), Gielddalihttus Norrbotten (Iris Mäntyranta), Árjepluovve gielddas (Anette Labba), Girona gielddas (Jan Johansson Klein), Jiellevári gielddas (Margareta Pohjanen ja Lena Helin) ja Johkamohki gielddas (Ingrid Inga). Sámeskuvlastivra (Britt Allas Labba) lea buktan ovdan oaiviliid daidda osiide mat gusket sámeskuvlastivrra doibmii.

Bargovuogit
Giehtagirjjis evttohuvvo:

• Bargovuohki mii čalmmostahttá sámegiela, lasiha sámegiela gelbbolašvuođa bargiid gaskkas ja lasiha olbmuid sámegiela geavaheami
•  Skovvi gielladili gártema dihte
•  Giellaprográmma málle
•  Doaibmaprográmma málle
• Vejolašvuohta olbmuide buktit ovdan oainnuid

Giellagiehtagirjji sáhttá diŋgot Sámedikki hálddahusas, tel. 0980-780 30.

Jus leat jearaldagat giellagiehtagirjji birra, váldde oktavuođa giellaáššedovdiin, Elli Sivi Näkkäläjärvi Utsi, tel. 0970-559 84.