Dovdameahttun bohccot

Dovdameahttun mearkkat
Muhtomin bohccot vájaldit guhkás ja gártet ”vearru” čerrui. Jus boazu gávdno iežá čearu guohtuneatnamis hubat, sárgasan dahje dovdameahttun mearkkain, dahje mearkkain mii ii leat njuolga ládje merkejuvvon, de galgá boazu boazodoallolága 84 § mielde váldojuvvot váras čearus njuovvama ja vuovdima dihte. Máksu gahččá dalle čerrui.

Skovvi
Čearru sádde logahallama Sámediggái dovdameahttun bohccuid vuovdima oktavuođas (skovvi gávdno olgešspálttas). Dovdameahttun boazomearkkat dieđihuvvojit pdf-fiilan.

Gávpehaddi
Son gii guovtti jagi siste vuovdinbeaivvi rájis sáhttá duođaštit iežas oamasteaddjin gávdnon bohccui, lea riekti čearus oažžut gávpehatti bohccus maŋŋel go gieđahallan-, njuovvan ja vuovdingolut leat gessojuvvon eret.

Olggosmáksingáibádus 
Olggosmáksingáibádus galgá mannat dan čerrui/orohahkii gos boazu lea vuvdojuvvon. Sámediggi dušše fuolaha ahte dovdameahttun bohccot ilmmuhuvvojit.