Kulturruđat

Stáhtalaš doarjagat sámi kultuvrii
Lea Sámedikki ovddasvástádus juohkit stáhta doarjaga sámi kultuvrii ja sámi organisašuvdnaide njuolggadusaid mielde Sámediggelágas (1992:1433) ja kulturpolitihkalaš doaibmaprográmmas. Doarjja lea oaivvilduvvon almmolaš doarjagin sámiide ja sámi organisašuvdnaide, sámi mediai, sámi teáhter-, duodje- ja girjerájusdoaimmaide, sámedáluide ja maiddái prošeaktadoarjagin kultuvrralaš ulbmiliidda. Sámediggi juohká juolludeami dáidda čuoggáide:

1. doaibmadoarjja eaktodáhtolaš sámi organisašuvdnaide
2. sierranasoaivvilduvvon ruđat sámi mediai, sámi teáhter-, duodje- ja girjerájusdoaimmaide ja sámedáluide
3. prošeaktadoarjja sámi kultuvrii

Njuolggadusat ja neavvagat
Jus galgá oažžut ruđa kulturráđis galgá prošeakta dehe doaibma deavdit vissa eavttuid dokumeantta mielde "Regler och anvisningar" olgešspálttas.

Čuovvovaččat lea gustovaš visot ohcamušaide:

- Ohcamuš galgá dahkkojuvvot sierra skovis
- Politihkalaš bellodagat ja ovttastumit mat oassálastet sámediggeválggain dehe iežá almmolaš válggain eai mieđihuvvo doarjaga kulturráđis
- Sámedikki kulturráđđi ii juollut ruđaid maŋalgihtii
- Sámedikki kulturráđis lea njuolggus bidjat áššiid beavdái dan botta go vuordá ahte iežá ruhtadeapmi gieđahallojuvvo/geahččaluvvo
- Eahpedievalaš ohcamušat eai gieđahallojuvvo ja hilgujuvvojit ákkain váilevaš ohcamuš

Doaibmadoarjagat
Loga eanet eavttuid birra

Prošeaktadoarjagat
Loga eanet eavttuid birra

Dásseárvoplána
Loga eanet dásseárvoplána birra

Sáhtán go sáddet ohcamuša elektronalaččat?
Manná buoragit sáddet ohcamuša elektronalaččat. Geavat dalle e-boastačujuhusa: kansli(at)sametinget.se vai ohcamuš vissásit registrerejuvvo. Elektronalaš ohcamuš ferte dievasmahttojuvvot vuolláičállojuvvon ohcamušain.

Dárkkisteapmi
Sámediggi sáhttá juohke jagi dahkat čiekŋalis dárkkisteami doaimmain ja prošeavttain mat leat ožžon doarjaga. Dalle Sámediggi soaitá háledit geahččat daid áššebáhpiriid mat leat dárbbašlaččat go galgá dárkkistit got Sámedikki doarjja lea geavahuvvon doaimmas.

Sámedikki logga
Prošeavttat mat leat ožžon doarjaga kulturráđis galget geavahit Sámedikki logga iežas márkanastindoaimmas. Logga sáhttá leddet eps- ja jpg-formáhtas olgeš bealde.

Jearaldagat?
Jus dus leat jearaldagat kulturruđaid birra, got ohcá, árvvoštallanvuođut j.n.a., váldde oktavuođa kulturgieđahalliiguin, 0980-780 57 dehe 780 48. Jus háledat diŋgot skoviid boasttain, váldde oktavuođa Sámedikki hálddahusain, 0980-780 30.