Luonndo-ja kultuvrrabirás

Vidájahkásasj såbadus
Birásmávsálvis luonndo-ja kultuvrrabirrasijda ällosujttoguovlon mávseduvvá juohkka jage vidájahkásasj såbadusájgen. Viertti åhtsåt nuppe oassáj moattejahkásasjsåbadusáv, nuppe oassáj máksemav. Åtsålvisá máksema birra dagáduvvi juohkka jage ja Sámediggáj rájaduvvi.

Mávsálvis
Mávsálvisáv máhtá mierreduvvat:

• Giedde – 6.300 kr hektárraj
• Gárdde – 20 kr mehterij
• Mano – 640 kr juohkka sadjáj jus gasska l 0 – 75 km, 1275 kr juohkka sadjáj jus gasska l 75 km jali guhkebun duv álmmuktjáledumårudagás. Mannomávsálvis máhttá ienemusát mierreduvvat vidá sadjáj.

Gejda máhttá mákso mierreduvvat?
Tjielde, sáme organisasjåvnnå jali aktugasj tjuottjodiddje gut la doarjjafábmudagás dåhkkidum ja gut ávkki árvulasj luonndo- ja kultuvrrabirrasijt. Guosske tjielden la moalggemriektá märrádusán.

Maŋemus åtsålvisbiejvve
Sjnjuktjamáno 16.b. 2012 galggá åtsålvis guodedum Sámediggáj. Ådås dán jage l dån aktan duv åtsålvisájn galga lasedit sajes gåvåv ja histåvrålasj buojkuldagás juoŋgalágátjav gut/gudi l ávkkim åtsådum giettijt ja gárdijt ja gåktu da li ávkkidum.

Girjásj ja blankehta
Máhtá viedtjat girjátjav ja åtsålvisblankehtajt gårorájagin. Riŋŋgi Sámediggáj, tel. 0980-780 30 de máhtá aj diŋŋot girjátjav luonndo- ja kultuvrrabirrasij birra.

Manno mávsálvis
Giehpedittjat mijá giehtadallamav de sihtap duv tjállet gaskav duv álmmuktjáledimbájke ja sujttimsaje gaskan G. Ienep diedo vuollelin blankehtan.

Jus dujna l juo såbadus
Jus dujna l juo moattejahkásasjsåbadus de máhtá juogo de dav ájmon adnet jali ådåsav åhtsåt vuosstájvásstediddje mávsálvistjerdan. Jus åtså ådå moattejahkásasjsåbadusáv de duv åvdep såbadus hiejteduvvá.

Doaresvidjura
Dån hähttu tjuovvot nåv gåhtjoduvvam doaresvidjurijt mierreduvátjit birásmávsálvisáj ålles máksemav. Doaresvidjura vuododuvvi svieriga láhkaásadibmáj. Ienep diededimev doaresvidjurij birra gávnnuji Ednambarggodåjmadagá webbabielen.