Doarjja giellalohkamiidda

Ulbmil doarjagiin
Ulbmil doarjagiin lea ahte sámit geat eai leat ožžon vejolašvuođa lohkat ja čállit sámegiela galget oažžut dan vejolašvuođa. Lea Sámediggi mii hálddaša doarjaga.

Gii sáhttá ohcat?
Sus geas lea dehe lea leamaš sámegiella ruovttugiellan dehe juobbá váhnemiin, áhkuin dehe ádjáin dehe son gii lea mielde Sámedikki jienastuslogus.

Ovttaskas ohcamuš
Ovttaskas olmmoš gii lohká stáhtadoarjjavuoiggaduvvon oahpahuslágideaddjis (geahča vuolábealde) sáhttá ohcat. Gursaduođaštus galgá leahkit ohcamuša mielde.

Oktasaš ohcamuš
Stáhtadoarjjavuoiggaduvvon oahpahuslágideaddji sáhttá ohcat doarjaga juohke oassálastti várás. Ohcamuš organisašuvdnas dahkkojuvvo ovttas áigeguovdilis oahpahuslágideddjiin, o.m.d. Álbmotallaskuvla, rávesolbmooahpahus (komvux), oahppolihttu dehe Sámiid Oahpahusguovddáš.

Got ohcá doarjaga?
Ohcanskovit, diehtojuohkin ja njuolggadusat gávdnojit liŋkkain dán siiddus olgeš bealde. Sáhtat leddet ruoktut daid. Ohcamuš galgá sáddejuvvot dán čujuhussii: Sámediggi, Box 90, 981 22 GIRON

Goas galgá ohcat?
Maŋemusat mánu ovdal go gursa álgá. Geassegurssaid várás (geasse-, suoidne- ja borgemánus) galgá ohcamuš leahkit Sámedikkis maŋemusat 1 b.miessemánus.

Diehtu oanehisáiggi doarjaga birra

• Doarjja lea vearu haga, 87 ruvnnu diimmus (2009)
• Doarjja ii rehkenastojuvvo vuođđun luopmobálkái iige ealáhahkii 
• Doarjja addojuvvo eanemusat 14 beaivvásaš ollesáiggi gursii ja ovtta gurssa hávil ja eanemusat 30 beaivvi dehe 240 diimmu jagis ja olbmos
• Sáhtát oažžut doarjaga govttolaš goluid ovddas, o.m.d. reaissut, biebmu ja orrun. Loga eanet njuolggadusain (liŋka olgešbealde)

Ulbmil 1: Sámegielat
Son gii sámásta galgá ollet vuođđoskuvlla viđat luohká máhttuulbmilii: lohkat go golgi čáhci, sihke jitnosit ja jaska, čállit teavsttaid sierralágán ulbmiliiguin, geavahit dábáleamos njuolggadusaid čállingillii ja stávemii ja geavahit sátnelisttu ja maid eará veahkkeneavvuid.

Ulbmil 2: Easkaálgi
Son gii lea easkaálgi sámegielas galgá maid ollet vuođđoskuvlla viđat luohká máhttuulbmilii: oassálastit ságastallamiin árgabeai- ja oahppes fáttáid birra, njálmmalaččat muitalit juoidá earáid ja iežas birra, lohkat ja vuhtiiváldit deháleamos sisdoalu sierralágán teavsttain ja čállit árgabeailahka dilálašvuođaid birra ja maid čállit dieđáhusa juoga birra. Jus galgá ollet ulbmil 1 ja 2 rádjái rehkenastojuvvojit eanemusat 30 beaivvi dehe 240 diimmu lohkamat.

Ulbmil 3: Sámegielat, joatkka
Son gii sámásta galgá ollet vuođđoskuvlla ovccát luohká máhttuulbmilii: lohkat ja ipmirdit čáppagirjjálašvuođa ja aviisateavstta, čállit sierralágán teavsttaid ja geavahit čállingiela norpmáid, ipmirdit vuđolaš minsttariid gielas ja buohtastit eará gielaiguin, geavahit vehkkeneavvuid teakstalohkama ja čállima oktavuođas.

Ulbmil 4: Easkaálgi, joatkka
Son gii lea easkaálgi galgá maid ollet vuođđoskuvlla ovccát luohká máhttuulbmilii: oassálastit aktiivalaččat ságastallamis árgabeaiáššiid birra, lohkat álkit čáppagirjjálašvuođa ja eará teavsttaid ja govvidemiid, lohkat sierralágán teavsttaid ja geavahit čállingiela norpmáid, ipmirdit vuđolaš minsttariid gielas ja buohtastit eará gielaiguin, geavahit vehkkeneavvuid teakstalohkama ja čállima oktavuođas. Jus galgá ollet ulbmil 3 ja 4 rádjái rehkenastojuvvo eanemusat 30 beaivvi dehe 240 diimmu lohkamat.

Eanet diehtu: Sámedikki hálddahus 0980-780 30.