Sámedikki giellabargu

Giellaossodaga bargu
Giellaossodat gieđahallá giellaáššiid ja vástida jearaldagaid olbmuin. Diehtojuohkin giellalága ja iežá giellaáššiid birra dahkkojuvvo bistevaččat. Bistevaš bargui gullo maiddái ráđđeaddin, jorgaleapmi, korrektuvralohkan, čoahkkimat, muhtin diehtoohcan ja dutkan ja maiddái dárkkisteapmi ja ođastuhttin báikenamain. Sámediggi veahkeha dulkon- ja jorgalangaskkustemiin eiseválddiide ja earáide go lea dárbu.

Oktasaš sámi giellalávdegoddi Davviriikkain
Jagi 1974 rájis lea Davviriikkain gávdnon sámi giellalávdegoddi (SGL) gos visot giellavariatehtat leat mielde. Sámediggi ovttasdoaibma giellaáššiid dáfus Sámedikkiiguin Norggas ja Suomas ja maiddái Guoládaga sámiid ovddasteddjiiguin giellalávdegotti bakte. Sámi Parlamentáralaš Ráđđi lea ovddasvástideaddjin oktasaš giellalávdegoddái. Loga eanet

Báikenammaráđđi
Sámedikkis lea ovddastus Báikenammaráđis. Bargojoavku ásahuvvui 2006 Sámedikkis,SOFI:s ja DAUM:as bargogohččosiin ahte hábmet háltelinjjáid ovttasdoaimmaide sámi báikenammabargui, mearridit bargomálle ja cegget njuolggadusaid sámi báikenamaid dárkkisteami várás.

SWEBLUL
Sámedikkis lea ovddastus SWEBLUL:as, ruoŧa lávdegoddi Eurohpalaš Byråas unnit geavahuvvon gielaid várás (EBLUL - European Bureau för Lesser Used Language). EBLUL:as leat ovddasteaddjit ollu unnitlogugielaid joavkkuin EO:as ja das lea sierra stáhtus NGO siste EO-kommišuvnnas.

Unnitlogugiellaláhka
Sámegiella lea almmolaččat dohkkehuvvon Davviriikkain go sámi giellalágat ásahuvvojedje. 1 b.cuoŋománus 2000 dohkkehuvvui sámegiella (visot suopmanat) almmolaš unnitlogugiellan Ruoŧas. Dat mearkkaša ahte lea riekti geavahit sámegiela oktavuođain eiseválddiiguin ja duopmostuoluiguin n.g. sámegiela hálddašanguovllus.

Ođđa láhka
Ođđa láhka náššuvnnalaš unnitloguid ja unnitlogugielaid birra lea gustovaš 1 beaivvi ođđajagemánu rájis 2010. Sámegiela hálddašanguovlu lea viiddidduvvon ja gokčá dal 18 gieldda.