Álbmotválljen orgána ja eiseváldi

31 lahtu
Sámedikki 31 lahtu válljejuvvojit almmolaš válggaid bakte juohke njeallját jagi. Sullii 8 000 olbmo leat dán rádjái čálihan iežaset jienastuslohkui. Ruoŧas eai gávdno sihkkaris summit man ollu sámit gávdnojit Ruoŧas muhto jáhkkehahttii 20 000-35 000.

Sámiid sajádat
Sámediggi movttidahttá beroštumi sámi oassálastimii servodatáššiin ja politihkas ja mielddisbuktá guhkilmasat ahte sámi identitehta nanostuvvá. 24 beaivvi skábmamánus 2010 mearridii Ruoŧa riikkabeaivi dahkat rievdadusaid vuođđolágas. Okta rievdadus lea ahte sámit dohkkehuvvojit álbmogin Ruoŧas.

Oppalaš mihttomearri
Oppalaš mihttomearri sámepolitihkas lea doaibmat ealli sámi kultuvrra ovddas mii vuođusta ekologalaš bistevaš boazodoalus ja eará sámi ealáhusain.

Eiseváldi
Sámedikkis lea almmolašrievttálaš sajádat eiseváldin ráđđehusa vuolde. Sámi áššit Ruoŧas gokčá máŋggaid surggiid muhto Eanadoallodepartemeanttas lea buohtalastinovddasvástádus sámi áššiide. Doppe gávdno ossodat mii bargá sámi- ja boazoealáhusáššiiguin. Sámedikki hálddahus lea Gironis, báikkálaš čállingottit gávdnojit Johkamohkis, Dearnas ja Staares.

Duppál rollat
Sámediggi Ruoŧas lea dasto sihke stáhtalaš eiseváldi ja álbmotválljen sámi parlameanta. Sámedikki organisašuvdna sulastahttá gielddaid gos maiddái gávdnojit sihke politihkkárat ja virgeolbmot.

Alla gáibádusat
Stáhtalaš eiseváldin ferte Sámediggi čuovvut njuolggadusaid stáhta reglerenreivvein ja ollu lágaid ja njuolggadusaid. Maŋemus láhkarievdadus sámediggelágas (SFS 1991:1433) čielggada ráji gaskal Sámedikki politihkalaš oasi ja eiseváldeoasi. Ođđa njuolggadus lea ásahuvvon mii mearkkaša ahte hálddahusáššit galget gieđahallojuvvot lávdegottiin dehe stivrras iige dievasčoahkkimis.